അന്തിക്കാട്​ ആശുപത്രി : അവഗണനക്കെതിരെ മാ​ർ​ച്ചും ധ​ർ​ണ​യും

അന്തിക്കാട്: അന്തിക്കാട് സർക്കാർ ആശുപത്രിയിൽ 24 മണിക്കൂറും ഡോക്ടർമാരുടെ സേവനം ലഭ്യമാക്കുക, പൊളിച്ച വാർഡിന് പകരം പതിയവ നിർമിക്കുക, ഗൈനക്കോളജി സൗകര്യം ലഭ്യമാക്കുക തുടങ്ങിയ ആവശ്യങ്ങൾ ഉന്നയിച്ച് അന്തിക്കാട് ഉപഭോക്തൃ സംരക്ഷണ സമിതി മാർച്ചും ധർണയും നടത്തി. പഞ്ചായത്ത് പ്രസിഡൻറ് കെ.എം. കിഷോർകുമാർ ഉദ്ഘാടനം ചെയ്തു. സമിതി പ്രസിഡൻറ് ടി.ആർ. പുഷ്പാംഗദൻ അധ്യക്ഷത വഹിച്ചു. വിവിധ സംഘടനാ നേതാക്കളായ സി.കെ. കൃഷ്ണകുമാർ, ടി.ഐ. ചാക്കോ, ജോർജ് അരിമ്പൂർ, കെ.എ. ലാസർ, സുബിൻ കാരാമാക്കൽ തുടങ്ങിയവർ സംസാരിച്ചു. വി. നാരായണൻ സ്വാഗതവും കെ.വി. റാഫേൽ നന്ദിയും പറഞ്ഞു.