പണി കഴിഞ്ഞ് മാസങ്ങള്‍: സാംസ്കാരിക നിലയം അടഞ്ഞുതന്നെ

കോടാലി: ലക്ഷങ്ങള്‍ ചെലവഴിച്ച് നിര്‍മിച്ച സാംസ്കാരിക നിലയം നിര്‍മാണം പൂര്‍ത്തിയാക്കി മാസങ്ങള്‍ പിന്നിട്ടിട്ടും തുറന്നുകൊടുക്കുന്നില്ളെന്ന് ആക്ഷേപം. മറ്റത്തൂര്‍ പഞ്ചായത്തിലെ കടമ്പോട് വാര്‍ഡിലാണ് സാംസ്കാരിക നിലയം. ജില്ലാ പഞ്ചായത്ത് 15 ലക്ഷം രൂപ ചെലവിട്ടാണ് കടമ്പോട് സ്കൂള്‍ റോഡ് ജംഗ്ഷന് സമീപം കെട്ടിടം പണിതത്. മുകള്‍ നിലയില്‍ സാംസ്കാരിക നിലയവും താഴെ വയോജനങ്ങള്‍ക്കായി പകല്‍ വീടും ലക്ഷ്യം വെച്ചാണ് കെട്ടിടം നിര്‍മിച്ചത്. ആവശ്യമായ രേഖകള്‍ പഞ്ചായത്തിന് കൈമാറിക്കിട്ടാത്തതിനാലാണ് സാംസ്കാരിക നിലയത്തിന്‍െറ ഉദ്ഘാടനം വൈകുന്നതെന്ന് പറയുന്നു. രേഖകളുടെ അപര്യാപ്തതമൂലം വൈദ്യുതി കണക്ഷനും ഇതുവരെ ലഭ്യമായിട്ടില്ല.