ശമ്പളമില്ലാതെ പീഡനം; ഇതരസംസ്ഥാന തൊഴിലാളിയെ മോചിപ്പിച്ചു

വടക്കാഞ്ചേരി: ശമ്പളം നല്‍കാതെ പണിയെടുപ്പിക്കുകയും ക്രൂര മര്‍ദനത്തിന് ഇരയാവുകയും ചെയ്ത ഇതര സംസ്ഥാന തൊഴിലാളിയെ തെക്കുംകര പഞ്ചായത്തിന്‍െറയും നാട്ടുകാരുടെയും സഹായത്തോടെ പൊലീസ് മോചിപ്പിച്ചു. വടക്കേ ഇന്ത്യക്കാരനായ രാജുവിനെയാണ് മോചിപ്പിച്ചത്. സംഭവത്തില്‍ മടക്കത്തറ സ്വദേശി ജോസിനെ പൊലീസ് കസ്റ്റഡിയിലെടുത്തു. എട്ട് മാസമായി ശമ്പളം നല്‍കാതെ യുവാവിനെ ഇയാള്‍ ജോലി ചെയ്യിപ്പിക്കുകയായിരുന്നു. സംഭവം അറിഞ്ഞു കഴിഞ്ഞ ദിവസം വാര്‍ഡംഗം രാജീവന്‍ തടത്തില്‍ ബന്ധപ്പെടെവരെ വിവരം അറിയിച്ചു. തെക്കുംകര പഞ്ചായത്ത് പ്രസിഡന്‍റ് എം.കെ. ശ്രീജ, വൈസ് പ്രസിഡന്‍റ് സുനില്‍കുമാര്‍, സ്റ്റാന്‍ഡിങ് കമ്മറ്റി ചെയര്‍മാന്‍ ശശി, സുരേഷ് എന്നിവര്‍ സ്ഥലത്തത്തെി വടക്കാഞ്ചേരി പൊലീസില്‍ വിവരം അറിയിച്ചു. തുടര്‍ന്ന് പൊലീസ് സ്ഥലത്തത്തെി നടപടി സ്വീകരിച്ചു. ശമ്പളം ചോദിച്ചാല്‍ നെഞ്ചത്ത് ഇടിക്കാറുള്ളതായി യുവാവ് മൊഴിനല്‍കി. ജോസിനെതിരെ പൊലീസ് കെസെടുത്തു.