പരിക്കേറ്റ യുവാവിന് കൈത്താങ്ങായി ചേരമാന്‍ ജുമാ മസ്ജിദ്

മേത്തല: : വാഹനാപകടത്തില്‍ പരിക്കേറ്റ യുവാവിന് കൈത്താങ്ങായി കൊടുങ്ങല്ലൂര്‍ ചേരമാന്‍ ജുമാ മസ്ജിദ്. 15 മിനിറ്റുകൊണ്ട് മഹല്ല് കമ്മിറ്റിയുടെ നേതൃത്വത്തില്‍ ചികിത്സ സഹായമായി സമാഹരിച്ചത് 40,000 രൂപ. ചന്തപ്പുര -കോട്ടപ്പുറം ബൈപാസില്‍ വെള്ളിയാഴ്ച രാവിലെ ഉണ്ടായ വാഹനാപകടത്തില്‍ പരിക്കേറ്റ മത്തേല പടനയില്‍ താമസിക്കുന്ന മറ്റപ്പിള്ളി ഉണ്ണികൃഷ്ണന്‍െറ മകന്‍ ബാബുരാജിന്‍െറ ചികിത്സക്കുവേണ്ടിയാണ് മഹല്ല് കമ്മിറ്റി പിരിവ് നടത്തിയത്. കാലിനും വാരിയെല്ലിനും പരിക്കേറ്റ ബാബുരാജിന് എറണാകുളം മെഡിക്കല്‍ ട്രസ്റ്റ് ആശുപത്രിയില്‍ അടിയന്തര ശസ്ത്രക്രിയ നടത്തുന്നതിന് ഒന്നരലക്ഷം രൂപ ആവശ്യമായതോടെയാണ് ജുമുഅ നമസ്കാരത്തിനത്തെിയ വിശ്വാസികളില്‍നിന്ന് പണം പിരിച്ചെടുത്തത്. മഹല്ല് സെക്രട്ടറി എസ്.എ. അബ്ദുല്‍കയ്യും, വൈസ് പ്രസിഡന്‍റ് യു.എ. സെയ്തുമുഹമ്മദ്, നഗരസഭ കൗണ്‍സിലര്‍മാരായ എം.കെ. സഗീര്‍, കെ.എസ്. കൈസാബ്, രതീഷ്, മഹല്ല് കമ്മിറ്റി അംഗങ്ങളായ കെ.എ. അബ്ദുല്‍ കരീം, കെ.വൈ. അക്ബര്‍ എന്നിവര്‍ നേതൃത്വം നല്‍കി.