തിരുവാതിര ഞാറ്റുവേല ദിനത്തില്‍ റോഡില്‍ കൃഷിയിറക്കി പ്രതിഷേധം

തൃശൂര്‍: റോഡുകളുടെ ശോച്യാവസ്ഥ പരിഹരിക്കണമെന്നും സുരക്ഷ ഉറപ്പാക്കണമെന്നും ആവശ്യപ്പെട്ട് അതിരൂപത കെ.സി.വൈ.എമ്മിന്‍െറ നേതൃത്വത്തില്‍ തിരുവാതിര ഞാറ്റുവേല ദിനത്തില്‍ റോഡില്‍ ഞാര്‍ നട്ട് പ്രതിഷേധിച്ചു. കെ.സി.വൈ.എം ഡയറക്ടര്‍ ഫാ. ജിയോ കടവില്‍ ഉദ്ഘാടനം ചെയ്തു. അതിരൂപത കെ.സി.വൈ.എം പ്രസിഡന്‍റ് ജോസ്മോന്‍ കെ. ഫ്രാന്‍സിസ് അധ്യക്ഷത വഹിച്ചു. കെ.സി.വൈ.എം സംസ്ഥാന സെക്രട്ടറി ജെസ്റ്റിന്‍ ജോസ് നടക്കലാന്‍, രൂപത ട്രഷറര്‍ സിന്‍േറാ പുതുക്കാട്, വൈസ് പ്രസിഡന്‍റുമാരായ റോണി അഗസ്റ്റിന്‍, കരോളി ജോഷ്വ, സാവിയോ ജോണി, നിക്സണ്‍, ജനറല്‍ കണ്‍വീനര്‍ വില്യംസ് വടക്കാഞ്ചേരി എന്നിവര്‍ നേതൃത്വം നല്‍കി.