ഹൈടെക് കെട്ടിടവും അന്താരാഷ്ട്ര സ്റ്റേഡിയവും

ചാലക്കുടി: ചാലക്കുടി ഗവ. ഹൈസ്കൂളിന് ഹൈടെക് കെട്ടിടം നിലവിലുള്ള സ്ഥലത്തും കോസ്മോസ് ക്ളബിന് സമീപത്ത് അന്താരാഷ്ട്ര സ്റ്റേഡിയവും നിര്‍മിക്കാന്‍ ചാലക്കുടി നഗരസഭ കൗണ്‍സില്‍ യോഗം തീരുമാനിച്ചു. 16 പ്രതിപക്ഷ അംഗങ്ങള്‍ നോട്ടീസ് നല്‍കിയതിനത്തെുടര്‍ന്ന് വിളിച്ചു കൂട്ടിയ അടിയന്തര കൗണ്‍സില്‍ യോഗത്തില്‍ വോട്ടെടുപ്പിലൂടെയാണ് ഈ തീരുമാനമെടുത്തത്. എന്നാല്‍ പ്രതിപക്ഷം സര്‍വകക്ഷിയോഗം വിളിക്കണമെന്നും വിദഗ്ധകമ്മിറ്റി രൂപവത്കരിക്കണമെന്നും ആവശ്യപ്പെട്ടു. എന്നാല്‍ നേരത്തെ സര്‍വകക്ഷിയോഗം ഇക്കാര്യത്തില്‍ വിളിച്ചു കൂട്ടിയിട്ടുള്ളതിനാല്‍ വീണ്ടും അതിന്‍െറ ആവശ്യമില്ളെന്ന് ചെയര്‍പേഴ്സന്‍ ഉഷ പരമേശ്വരന്‍ അറിയിച്ചു. ചാലക്കുടി ഗവ. ഹൈസ്കൂള്‍ കെട്ടിടം നിലവിലുള്ള സ്ഥലത്തുനിന്ന് പൊളിച്ചുമാറ്റി കളിസ്ഥലം നിര്‍മിക്കണമെന്നും അല്‍പം മാറിയുള്ള കളിസ്ഥലത്ത് സ്കൂള്‍ കെട്ടിടം നിര്‍മിക്കണമെന്നും ആവശ്യപ്പെട്ട് പ്രതിപക്ഷ നേതാവ് വി.ഒ. പൈലപ്പന്‍ അവതരിപ്പിച്ച പ്രമേയത്തില്‍ മൂന്നുമണിക്കൂറോളം ചര്‍ച്ച നടന്നു. എന്നാല്‍ പ്രതിപക്ഷ ഭരണപക്ഷ കക്ഷികള്‍ക്കിടയില്‍ ഇക്കാര്യത്തില്‍ അഭിപ്രായ സമന്വയം ഉണ്ടായില്ല. പ്രതിപക്ഷത്തിന്‍െറ ആവശ്യത്തോട് ഭരണപക്ഷം ഒന്നടങ്കം വിയോജിച്ചു. തങ്ങളുടെ ഭരണകാലത്ത് കഴിഞ്ഞ കൗണ്‍സില്‍ പാസാക്കിയ സ്കൂളും കളിസ്ഥലവും ഒരേ സ്ഥലത്തുതന്നെ നിര്‍മിക്കണമെന്ന തീരുമാനം തന്നെ നടപ്പാക്കണമെന്ന് പ്രതിപക്ഷം വാദിച്ചു. കളിസ്ഥലത്തിന് ആകെ 2.5 ഏക്കറോളം സ്ഥലമെ വരികയുള്ളൂവെന്നതിനാല്‍ പുതിയ സര്‍ക്കാര്‍ നിര്‍ദേശിക്കുന്ന അന്താരാഷ്ട്ര നിലവാരത്തില്‍ സ്കൂള്‍ നിര്‍മിക്കാന്‍ സാധിക്കുകയില്ല. എന്നല്ല സ്കൂളിന്‍െറ വികസന സാധ്യതയും ഇതോടെ ഇല്ലാതാകും. പുതിയ സര്‍ക്കാര്‍ 141 ഹൈടെക് സ്കൂളുകള്‍ നിര്‍മിക്കുന്നതിന് ഹൈസ്കൂളിനെയാണ് തെരഞ്ഞെടുത്തിട്ടുള്ളത്. കെട്ടിടം നിര്‍മിക്കാന്‍ എം.എല്‍.എ ഫണ്ടില്‍നിന്ന് ഒരു കോടി രൂപയുടെ ടെന്‍ഡര്‍ നടപടിയുമായിട്ടുണ്ട്. 130 വര്‍ഷത്തോളം പഴക്കമുള്ള സ്കൂള്‍ കെട്ടിടം പൊളിച്ച് സുരക്ഷിതമായ കെട്ടിടം നിര്‍മിക്കാന്‍ വൈകരുതെന്ന് ഭരണപക്ഷഅംഗങ്ങള്‍ വാദിച്ചു. കെട്ടിടം വളരെ ഒതുക്കി നിര്‍മിക്കുന്നതുകൊണ്ട് ചെറുതല്ലാത്ത കളി സ്ഥലം അവിടത്തെന്നെ ലഭിക്കുകയും ചെയ്യും. അതുപോലെ 5.16 ഏക്കര്‍ സ്ഥലമാണ് ഇപ്പോഴത്തെ സ്കൂള്‍ വളപ്പിന് ഉള്ളത്. ഇവിടെ അന്താരാഷ്ട്ര സൗകര്യത്തോടെ സ്റ്റേഡിയം നിര്‍മിക്കുന്നതിന് പരിമിതികളുണ്ട്. സ്റ്റേഡിയം നിര്‍മിക്കുന്നതിന് കോസ്മോസ് ക്ളബിന് സമീപത്ത് 13 ഏക്കര്‍ സ്ഥലം നഗരസഭ 50 ലക്ഷത്തോളം രൂപയടച്ച് അക്വയര്‍ ചെയ്തിട്ടുണ്ട്. ഇവിടെ കാര്‍പാര്‍ക്കിങ് സൗകര്യത്തോടെ അന്താരാഷ്ട്ര നിലവാരത്തില്‍ എട്ടു ട്രാക്ക് സ്റ്റേഡിയം നിര്‍മിക്കാനാണ് നഗരസഭ ലക്ഷ്യമിടുന്നത്.പി.എം.ശ്രീധരന്‍, ജിജന്‍ മത്തായി, വി.ജെ.ജോജി, ബിജു ചിറയത്ത്, യു.വി.മാര്‍ട്ടിന്‍, വില്‍സന്‍ പാണാട്ടുപറമ്പില്‍, ഷിബു വാലപ്പന്‍,ഹരിനാരായണന്‍, ഗണേശന്‍, കെ.വി.പോള്‍ ലൈജി ജോസ്, ബിജി സദാനന്ദന്‍, ഗീത സാബു, ഉഷ സ്റ്റാലിന്‍ ജിയോ കിഴക്കുംതല തുടങ്ങിയവര്‍ സംസാരിച്ചു.