വെള്ളാറ്റഞ്ഞൂരില്‍ ഓടിട്ട വീട് കത്തി നശിച്ചു; ആളപായമില്ല

കുന്നംകുളം: വേലൂര്‍ വെള്ളാറ്റഞ്ഞൂര്‍ ഗോതമ്പു റോഡില്‍ പുത്തൂര്‍ തറയില്‍ വര്‍ഗീസിന്‍െറ വീട് പൂര്‍ണമായി കത്തിനശിച്ചു. ഇലക്ട്രിക് ഷോട്ട് സര്‍ക്യൂട്ട് മൂലമാണ് തീപടര്‍ന്നതെന്ന് സംശയിക്കുന്നു. വെള്ളിയാഴ്ച രാത്രി 8.30ഓടെയാണ് സംഭവം. അയല്‍വാസികളാണ് വീട്ടില്‍ നിന്നും തീ ഉയരുന്നത് കണ്ടത്. വര്‍ഗീസും കുടുംബവും അമ്മയുടെ ചികിത്സക്കായി ആശുപത്രിയിലായിരുന്നു. കുന്നംകുളത്തുനിന്ന് ഫയര്‍ഫോഴ്്സ് സംഘമത്തെി ഒരുമണിക്കൂറിലേറെ പരിശ്രമിച്ചാണ് തീയണച്ചത്. ഓടിട്ട വീടിന്‍െറ മുന്‍വശമൊഴികെ പൂര്‍ണമായി കത്തിനശിച്ചു. രണ്ട് ഗ്യാസ് സിലിണ്ടര്‍ ചുട്ടുപഴുത്ത സ്ഥിതിയിലായിരുന്നു. ഫയര്‍ഫോഴ്സത്തെി പുറത്തെടുത്തതിനാല്‍ വന്‍ദുരന്തമൊഴിവായി. മേല്‍ക്കൂര പൂര്‍ണമായി കത്തിനശിച്ചിരുന്നു. എരുമപ്പെട്ടി പൊലീസ് സ്ഥലത്തത്തെിയിരുന്നു. നാട്ടുകാരും ഫയര്‍ഫോഴ്സും പൊലീസും ഗ്രാമപഞ്ചായത്തംഗങ്ങളായ എല്‍സി ഒൗസേഫ്, പി.കെ. ശ്യാംകുമാര്‍ എന്നിവരും രക്ഷാപ്രവര്‍ത്തനത്തിലേര്‍പ്പെട്ടിരുന്നു. ലീഡിങ് ഫയര്‍മാന്‍ കെ. രവീന്ദ്രന്‍, ഫയര്‍മാന്‍മാരായ പ്രമോദ്, മഹേഷ്, ഷൈന്‍, അനീഷ്, ശിവകുമാര്‍, സുജിത്ത്, സെന്തില്‍കുമാര്‍ എന്നിവര്‍ രക്ഷാപ്രവര്‍ത്തനത്തിന് നേതൃത്വം നല്‍കി.