സ്കൂളിലെ ഉച്ചഭക്ഷണത്തിന് : വീടുകളില്‍നിന്ന് പച്ചക്കറി

കരൂപ്പടന്ന: സ്കൂളില്‍നിന്ന് ലഭിച്ച വിത്ത് ഉപയോഗിച്ച് ഉല്‍പാദിപ്പിച്ച പച്ചക്കറി സ്കൂളിലെ ഉച്ചഭക്ഷണത്തിനായി നല്‍കി വിദ്യാര്‍ഥികള്‍. കോണത്തുകുന്ന് ഗവ. യു.പി സ്കൂളിലെ വിദ്യാര്‍ഥികളാണ് പച്ചക്കറി ഉല്‍പന്നങ്ങള്‍ സ്കൂളിലേക്ക് നല്‍കുന്നത്. ഒന്നാം ക്ളാസ് വിദ്യാര്‍ഥിനി ത്രയംബകയില്‍നിന്ന് പച്ചക്കറി ഏറ്റുവാങ്ങി ജൈവ കര്‍ഷകന്‍ സലീം കാട്ടകത്ത് ഉദ്ഘാടനം ചെയ്തു. എസ്.എം.സി ചെയര്‍മാന്‍ എം.എ. മൈഷൂഖ് അധ്യക്ഷത വഹിച്ചു. പ്രധാനാധ്യാപിക പി. വൃന്ദ, അധ്യാപകരായ എം. ലീന, പ്രിയ, മനൂജ, വിന്‍സി, ബൈജു, ഷൈന്‍, രാജേഷ് എന്നിവര്‍ പങ്കെടുത്തു.