സംശയാസ്പദമായി കണ്ട ടാങ്കര്‍ നാട്ടുകാര്‍ പിടികൂടി

ആമ്പല്ലൂര്‍: ചെങ്ങാലൂര്‍ എടത്തൂട്ട് പാടത്ത് സംശയാസ്പദമായി കണ്ട ടാങ്കര്‍ ലോറി നാട്ടുകാര്‍ പിടികൂടി പൊലീസില്‍ എല്‍പിച്ചു. വെളിച്ചെണ്ണ പോലെ തോന്നിക്കുന്ന ദ്രാവകമാണ് ടാങ്കറിലുണ്ടായിരുന്നത്. നാട്ടുകാര്‍ അറിയിച്ചതിനത്തെുടര്‍ന്ന് സ്ഥലത്തത്തെിയ ഫുഡ് ആന്‍ഡ് സേഫ്ടി ഉദ്യോഗസ്ഥര്‍ പരിശോധനക്കായി സാമ്പിള്‍ ശേഖരിച്ച് കാക്കനാട്ടെ ലാബിലേക്കയച്ചു. ടാങ്കറിലെ അഞ്ച് അറകളിലായി 12000 ലിറ്റര്‍ ദ്രാവകമാണ് കൊണ്ടുപോയിരുന്നത്. പൊള്ളാച്ചിയില്‍ നിന്ന് ആലുവയിലെ സ്വകാര്യ വെളിച്ചെണ്ണ കമ്പനിയിലേക്ക് കൊണ്ടുപോകുകയായിരുന്നെന്ന് ഡ്രൈവര്‍ പൊലീസിനോട് പറഞ്ഞു. രണ്ടാഴ്ചക്കുശേഷമാണ് പരിശോധനാഫലം ലഭിക്കുക. അതിനുശേഷം നടപടി സ്വീകരിക്കും. വാഹനം പൊലീസ് കസ്റ്റഡിയിലെടുത്തു. ജില്ലാ ഫുഡ് ആന്‍ഡ് സേഫ്ടി ഓഫിസര്‍മാരായ പി.യു. ഉദയന്‍, കെ.കെ. അനിലന്‍ എന്നിവരുടെ നേതൃത്വത്തിലാണ് പരിശോധക്ക് സാമ്പിള്‍ ശേഖരിച്ചത്.