ബൈക്കിലത്തെി മാല പൊട്ടിക്കല്‍: വമ്പന്മാര്‍ പിടിയില്‍

ഇരിങ്ങാലക്കുട: ബൈക്കിലത്തെി സ്ത്രീകളുടെ മാല പിടിച്ചുപറിക്കുന്ന സംഘത്തിലെ പ്രധാനികളായ ചേര്‍പ്പ് വലിയങ്ങാട് ശ്രീജു എന്ന അമ്പലം ശ്രീജു (39), ചേര്‍പ്പ് പാറേക്കോവില്‍ ദേശത്ത് വരാപ്പുഴ വീട്ടില്‍ ബിജു എന്ന പല്ലന്‍ ബിജു (30) എന്നിവരെ ഇരിങ്ങാലക്കുട ഡിവൈ.എസ്.പി എസ്.ടി. സുരേഷ്കുമാറിന്‍െറ നേതൃത്വത്തിലുള്ള പ്രത്യേക അന്വേഷണസംഘം അറസ്റ്റ് ചെയ്തു. കൊടുങ്ങല്ലൂര്‍, മതിലകം, മൂന്നുപീടിക, വലപ്പാട്, പെരിങ്ങോട്ടുകര, കാഞ്ഞാണി, അന്തിക്കാട്, എടത്തിരുത്തി, പഴുവില്‍, ചേര്‍പ്പ്, നെടുപുഴ, ഊരകം, മാപ്രാണം, ഇരിങ്ങാലക്കുട, വെള്ളാങ്ങല്ലൂര്‍, ഒല്ലൂര്‍, മണ്ണുത്തി എന്നിവിടങ്ങളില്‍ നിന്നായി മുപ്പതോളം കേസുകളില്‍ നിന്നും 70 പവനോളം സ്വര്‍ണമാണ് ഇവര്‍ പിടിച്ചുപറിച്ചത്. ഇങ്ങനെ ലഭിച്ച സ്വര്‍ണാഭരണങ്ങള്‍ ചേലക്കര, തൃശൂര്‍, അത്താണി, തുടങ്ങിയ സ്ഥലങ്ങളിലാണ് വില്‍പന നടത്തിയതെന്നും അമ്പതോളം പവന്‍ സ്വര്‍ണവും രണ്ട് ബൈക്കുകളും പിടിച്ചെടുത്തതായി പൊലീസ് പറഞ്ഞു. അമ്പലം പോലുള്ള സ്ഥലങ്ങളില്‍ എത്തുന്ന സ്ത്രീകളുടെ മാലയാണ് കൂടുതലായി പിടിച്ചുപറിച്ചിരുന്നത്. ഇതില്‍ പ്രധാനിയായ അമ്പലം ശ്രീജു സഹോദരനോടൊപ്പം സ്വര്‍ണപ്പണിക്കാരനായിരുന്നു. സഹോദരന്‍െറ പക്കല്‍ നിന്നും കട്ടിസ്വര്‍ണം മോഷ്ടിച്ച ചരിത്രവും ശ്രീജുവിനുണ്ട്. സ്വര്‍ണപ്പണിക്കിടയില്‍ മോഷ്ടാക്കളുമായി പരിചയത്തിലായതോടെയാണ് അമ്പലം ബിജു ബൈക്കിലത്തെിയുള്ള മാല പിടിച്ചുപറിയിലേക്ക് തിരിഞ്ഞത്. 2004ല്‍ ചാലക്കുടിയില്‍ ബൈക്കിലത്തെി മാല പിടിച്ചുപറിച്ചതിനാണ് ആദ്യമായി പൊലീസിന്‍െറ പിടിയിലാകുന്നത്. പിന്നീട് ജില്ലയുടെ പലഭാഗങ്ങളില്‍ നിന്ന് അമ്പലം ശ്രീജു ഒറ്റക്കായും ബിജുവും കൂടി ചേര്‍ന്നും മാല പിടിച്ചുപറിച്ചിരുന്നു. ചേര്‍പ്പ്, അന്തിക്കാട് സ്റ്റേഷന്‍ പരിധികളില്‍ അടുത്തിടെ പിടിച്ചുപറി വര്‍ധിച്ചതിനാലാണ് പ്രത്യേക അന്വേഷണ സംഘം ഈ ഭാഗങ്ങളില്‍ ശ്രദ്ധകേന്ദ്രീകരിച്ച് അന്വേഷണം തുടങ്ങിയത്. ഇങ്ങനെ കിട്ടുന്ന പണം പ്രതികള്‍ വിനോദ സഞ്ചാര കേന്ദ്രങ്ങളില്‍ ഉല്ലസിച്ച് നടക്കുന്നതിനും മദ്യപാനത്തിനും പരസ്ത്രീ ബന്ധത്തിനുമാണ് ഉപയോഗിച്ചിരുന്നതെന്ന് പൊലീസ് പറഞ്ഞു. പണം തീര്‍ന്ന് കഴിഞ്ഞാല്‍ അടുത്ത ഇരയെ തേടി ഇറങ്ങും. സ്ത്രീകള്‍ നടന്നു വരുമ്പോള്‍ ഒരാള്‍ ബൈക്കില്‍ നിന്ന് ഇറങ്ങി പോയി മാല പൊട്ടിക്കുകയാണ് പതിവ്. ഈ സമയം കൂടെയുള്ളയാള്‍ ബൈക്ക് സ്റ്റാര്‍ട്ടാക്കി നിര്‍ത്തിയിട്ടുണ്ടാവും. ബിജു ഒറ്റക്ക് മാല പൊട്ടിക്കുന്ന സമയങ്ങളില്‍ ബൈക്ക് തൊട്ടരികെ നിര്‍ത്തിവെച്ച് അടുത്തത്തെുമ്പോള്‍ പെട്ടെന്ന് പൊട്ടിച്ച് ബൈക്കില്‍ രക്ഷപ്പെടുകയാണ് പതിവ്. കൂടുതലും അതി രാവിലെയായിരുന്നു മാല പൊട്ടിച്ചിരുന്നത്. അതുകൊണ്ടാണ് അമ്പലങ്ങളില്‍ പോകുന്നവരെ ലക്ഷ്യം വെച്ചത്. വയസ്സായ സ്ത്രീകളുടെ അടുത്ത്ചെന്ന് അഡ്രസ്സ് ചോദിക്കുന്ന വ്യാജേനയാണ് മാല പൊട്ടിക്കാറ്. ജില്ലാ റൂറല്‍ പൊലീസ് മേധാവി കെ. കാര്‍ത്തികിന്‍െറ നിര്‍ദേശാനുസരണം ഇരിങ്ങാലക്കുട ഡിവൈ.എസ്.പി എസ്.ടി. സുരേഷ്കുമാറിന്‍െറ നേതൃത്വത്തില്‍ രൂപവത്കരിച്ച പ്രത്യേക അന്വേഷണ സംഘത്തില്‍ ചേര്‍പ്പ് സി.ഐ എം.കെ. സുരേന്ദ്രന്‍, എസ്.ഐമാരായ എം.ജെ. ജിജോ, കെ. അഭിലാഷ്കുമാര്‍, രമേശ്, എ.എസ്.ഐ ജിജോ, സീനിയര്‍ സി.പി.ഒമാരായ ഷഫീര്‍ ബാബു, ഗോപന്‍, കൊച്ചുമോന്‍, എച്ച്.ജി. മോഹന്‍ദാസ് എന്നിവര്‍ ഉണ്ടായിരുന്നു. പ്രതികളെ കോടതിയില്‍ ഹാജരാക്കി.