വാഹനാപകടത്തില്‍ പരിക്കേറ്റ യുവാവിന് 29 ലക്ഷം നഷ്ടപരിഹാരം

ഇരിങ്ങാലക്കുട: ബൈക്ക് അപകടത്തില്‍ പരിക്കേറ്റ യുവാവിന് 29 ലക്ഷം രൂപ നഷ്ടപരിഹാരം നല്‍കാന്‍ വിധിയായി. പുല്ലൂര്‍ കല്ലിങ്ങപ്പുറം മിത്രന്‍െറ മകന്‍ മിഥുന് അനുകൂലമായാണ് വിധി. മിഥുന്‍ ബൈക്കില്‍ ഇരിങ്ങാലക്കുട -കൊടുങ്ങല്ലൂര്‍ റോഡിലൂടെ പോകുമ്പോള്‍ എതിരെ വന്ന കാര്‍ ഇടിക്കുകയായിരുന്നു. പരിക്കേറ്റ മിഥുന് നഷ്ടപരിഹാരവും എട്ട് ശതമാനം പലിശയും കോടതി ചെലവുമടക്കം 29 ലക്ഷം രൂപയോളം നല്‍കാനാണ് ഐ.സി.ഐ.സി.ഐ ലൊംബാര്‍ഡ് ജനറല്‍ ഇന്‍ഷുറന്‍സ് കമ്പനിയോട് ഇരിങ്ങാലക്കുട അഡീഷനല്‍ ജില്ലാ ജഡ്ജിയും വാഹനപകട നഷ്ടപരിഹാര ട്രൈബ്യൂണല്‍ ജഡ്ജിയുമായ പി.കെ. അരവിന്ദ് ബാബു ഉത്തരവിട്ടത്. 2009 നവംബര്‍ 23നാണ് കേസിനാസ്പദമായ സംഭവം. ഹരജിക്കാരനുവേണ്ടി അഭിഭാഷകരായ ഇ.ബി. ഷാജി, നളന്‍ ടി. നാരായണന്‍, പി.എസ്. സൗമ്യ എന്നിവര്‍ ഹാജരായി.