യുവാക്കള്‍ ഒരുമിച്ചു; അവര്‍ക്ക് മരുന്നും സ്വാന്തനവുമായി

പുന്നയൂര്‍ക്കുളം: വടക്കേക്കാട് അഭയം പാലിയേറ്റിവ് കെയര്‍ പരിചരിക്കുന്ന രോഗികള്‍ക്ക് യുവാക്കള്‍ മരുന്നുകള്‍ വിതരണം ചെയ്തു. ആറ്റുപുറം കാസ്കോ, ജില്ലാ നെഹ്റു യുവ കേന്ദ്ര, യൂത്ത് ക്ളബ് തൃശൂര്‍ എന്നിവയുടെ സംയുക്താഭിമുഖ്യത്തിലായിരുന്നു വിതരണം. ആറ്റുപുറത്ത് നടന്ന പരിപാടി വടക്കേക്കാട് എസ്.ഐ ടി.എസ് റനീഷ് ഉദ്ഘാടനം ചെയ്തു. ജില്ലാ യൂത്ത് ക്ളബ് അസോസിയേഷന്‍ പ്രസിഡന്‍റ് സന്തോഷ് ദേശമംഗലം അധ്യക്ഷത വഹിച്ചു. യുവജന ക്ഷേമ ബോര്‍ഡ് ജില്ലാ കോഓഡിനേറ്റര്‍ ലിജോ പനക്കല്‍, ജില്ലാ പെയിന്‍ ആന്‍ഡ് പാലിയേറ്റിവ് കെയര്‍ ചെയര്‍പേഴ്സന്‍ മൈമൂന ഹംസ, എ.ടി. അബ്ദുല്‍ ജബാര്‍, നസീഫ് യൂസഫ്, ടി.പി. പ്രജോഷ്, സി.എം. റമീസ്, അന്‍സാര്‍ എളവള്ളി, സുജിന്‍ ലാല്‍, ഷംസീര്‍ പുന്നയൂര്‍ക്കുളം, യു. ദില്‍ഷാദ്, മുര്‍ഷിദ് ഇഹ്സാന്‍ എന്നിവര്‍ സംസാരിച്ചു.