നല്ലനടപ്പിന് വിട്ട മോഷ്ടാവ് 25,000 രൂപ മോഷ്ടിച്ച് മുങ്ങി

കൊടുങ്ങല്ലൂര്‍: പൊലീസ് നല്ലനടപ്പിന് വിട്ട മോഷ്ടാവ് 25,000 മോഷ്ടിച്ച് മുങ്ങി. ഭണ്ഡാരം മോഷണവും മറ്റുമായി ബന്ധപ്പെട്ട് അറസ്റ്റ് ചെയ്ത അഴീക്കോട് സ്വദേശി ഹാരിസിനെ നല്ല നടപ്പിന് വിട്ട കൊടുങ്ങല്ലൂര്‍ പൊലീസാണ് വെട്ടിലായത്. കൊടുങ്ങല്ലൂരിലെ വീട് കുത്തിത്തുറന്ന് മോഷണക്കേസില്‍ ശിക്ഷ കഴിഞ്ഞ് പുറത്തിറങ്ങിയ വേളയിലാണ് പൊലീസ് ഹാരിസിനെ നല്ല നടപ്പിന് ഉപദേശിച്ച് വിട്ടത്. ആദ്യം ഹോട്ടലില്‍ ജോലി ചെയ്ത ഇയാള്‍ നാലുമാസം നല്ല രീതിയില്‍ ജീവിച്ചു. പിന്നീട് പരിചയക്കാരന്‍െറ മീന്‍ വണ്ടിയില്‍ ക്ളീനറായി. ഇതിനിടെയാണ് ലോറിയില്‍ നിന്ന് 25,000 രൂപ മോഷ്ടിച്ച് കടന്നുകളഞ്ഞത്. പിന്നീട് എറണാകുളത്തും മറ്റും താമസിച്ച ഇയാള്‍ മോഷണത്തിന് വേണ്ടി മാത്രമായാണ് കൊടുങ്ങല്ലൂര്‍ മേഖലയില്‍ എത്തിയിരുന്നതെന്നും പൊലീസ് പറയുന്നു.