സാഹോദര്യമാണ് കാലഘട്ടത്തിന്‍െറ ആവശ്യം –കൈതപ്രം

ഇരിങ്ങാലക്കുട: സംഗീതത്തിലൂടെ അതിര്‍വരമ്പുകളില്ലാത്ത സാഹോദര്യമാണ് ഈ കാലഘട്ടത്തിന്‍െറ ആവശ്യമെന്ന് സംഗീതജ്ഞന്‍ കൈതപ്രം ദാമോദരന്‍ നമ്പൂതിരി പറഞ്ഞു. കൈയൊപ്പ് കലാസാഹിത്യ സംസ്കൃതിയുടെ പ്രഥമ പുരസ്കാരം ഏറ്റുവാങ്ങി സംസാരിക്കുകയായിരുന്നു അദ്ദേഹം. സ്നേഹാദര സന്ധ്യ ചീഫ് വിപ്പ് അഡ്വ. തോമസ് ഉണ്ണിയാടന്‍ ഉദ്ഘാടനം ചെയ്തു. പുരസ്കാര സമര്‍പ്പണവും അദ്ദേഹം നിര്‍വഹിച്ചു. നടി കവിയൂര്‍ പൊന്നമ്മയെ പൊന്നാടയണിയിച്ചു. ഡേവിസ് കാഞ്ഞിരത്തിങ്കല്‍ അധ്യക്ഷത വഹിച്ചു. നന്ദ കിഷോര്‍ മുഖ്യപ്രഭാഷണം നടത്തി. നഗരസഭാ ചെയര്‍പേഴ്സന്‍ മേരിക്കുട്ടി ജോയ്, കൗണ്‍സിലര്‍ കെ. വേണുഗോപാല്‍, പി.ജി. അനീഷ്, കെ.സി. രണദിവെ എന്നിവര്‍ സംസാരിച്ചു. വിവിധ കലാകാരന്മാരെ ആദരിച്ചു. തുടര്‍ന്ന് കൈതപ്രത്തിന്‍െറ സംഗീതവിരുന്നുമുണ്ടായിരുന്നു.