ഗുരുതിപ്പാല ഏലം ഓഫിസ് കൊടുംകാടായി

മാള: മാള പഞ്ചായത്ത് നാലാം വാര്‍ഡിലെ ഗുരുതിപ്പാല ഏലം ഓഫിസ് കാടുകയറി നശിക്കുന്നു. കാര്‍ഷിക മേഖലയില്‍ വന്‍കുതിച്ച് ചാട്ടം വാഗ്ദാനം നടത്തിയാണ് ഇവിടെ ഏലം ഓഫീസ് പത്ത് വര്‍ഷംമുന്‍പ് തുറന്നത്. ഓഫിസ് അസൗകര്യങ്ങളാണ് ഇത് പൂട്ടാന്‍ കാരണം. ജീവനക്കാര്‍ക്ക് താമസിക്കാന്‍ ഗുരുതിപ്പാലയില്‍ വീട് വാടകക്ക് കിട്ടിയെങ്കിലും പലരും സ്ഥലംമാറിപ്പോയി. തുടര്‍ന്നത്തെിയവും രാഷ്ട്രീയ സ്വാധീനം ഉപയോഗിച്ച് സ്ഥലം മാറി. ഇതോടെ ഓഫിസ് പൂട്ടുകയായിരുന്നു. ഓഫിസിനു മുകളില്‍ പുല്ല് വളര്‍ന്നു. മേല്‍ക്കൂരയില്‍ വലിയ ആല്‍മരം വളര്‍ന്നു നില്‍ക്കുകയാണ്. ഇത് വലുതായി സമീപത്തെ ഓട്ടോറിക്ഷാ സ്റ്റാന്‍ഡിന് തണല്‍മരമായിട്ടും അധികൃതര്‍ക്ക് കുലുക്കമില്ല. വിണ്ടുകീറിയ കെട്ടിടം തകര്‍ച്ചാ ഭീഷണിയിലായതോടെ നാട്ടുകാര്‍ ഭീതിയിലാണ്. കെട്ടിടം തകര്‍ന്നാലും സര്‍ക്കാര്‍ അനങ്ങില്ളെന്ന് നാട്ടുകാര്‍ പരാതിപ്പെട്ടു.