പോക്കറ്റടി സംഘത്തിലെ രണ്ടുപേര്‍ അറസ്റ്റില്‍

തൃശൂര്‍: പോക്കറ്റടി സംഘത്തിലെ രണ്ടുപേരെ പൊലീസ് പിടികൂടി. തൃശൂര്‍ കെ.എസ്.ആര്‍.ടി.സി ബസ് സ്റ്റാന്‍ഡില്‍ സംശയകരമായി കണ്ട പെരുമ്പാവൂര്‍ വല്ലം സ്വദേശി തേനിയാകുടി വീട്ടില്‍ നിബാദ് (27), ഒല്ലൂര്‍ തൈക്കാട്ടുശേരി മടപ്പാട്ടുപറമ്പില്‍ വീട്ടില്‍ വേണു (45) എന്നിവരെയാണ് തൃശൂര്‍ ഈസ്റ്റ് പൊലീസ് അറസ്റ്റ് ചെയ്തത്. ചോദ്യം ചെയ്യലില്‍ പരസ്പര വിരുദ്ധമായ മറുപടികളാണ് ഇവര്‍ നല്‍കിയത്. തുടര്‍ന്ന് ഇരുവരെയും കസ്റ്റഡിയിലെടുക്കുകയായിരുന്നു. സ്റ്റേഷനിലത്തെിച്ച് ചോദ്യം ചെയ്തപ്പോഴാണ് മോഷണശ്രമത്തിനത്തെിയതാണെന്ന് വ്യക്തമായത്. തുടര്‍ന്ന് ഇരുവരുടെയും അറസ്റ്റ് രേഖപ്പെടുത്തി. ഇരുവരും നിരവധി പോക്കറ്റടിക്കേസുകളില്‍ പ്രതികളാണ്. പെരുമ്പാവൂരിലെ മദ്യവില്‍പനശാല കുത്തിപ്പൊളിച്ച് മദ്യവും പണവും കവര്‍ന്ന കേസിലും നിബാദ് പ്രതിയാണ്.