പ്രകൃതിയുടെ കാഴ്ചയൊരുക്കി ഫോട്ടോഗ്രാഫി പ്രദര്‍ശനം

കുന്നംകുളം: രണ്ട് ദിവസം നീണ്ട് നില്‍ക്കുന്ന ഫോട്ടോഗ്രാഫി പ്രദര്‍ശനത്തിന് പുന്നയൂര്‍ക്കുളം പ്രതിഭ കോളജില്‍ തുടക്കമായി. പ്രകൃതിസംരക്ഷണത്തെ കുറിച്ചും വംശനാശം വന്നുകൊണ്ടിരിക്കുന്ന വന്യമൃഗങ്ങളെയും പക്ഷികളെയും കുറിച്ച് വിദ്യാര്‍ഥികളെ ബോധവത്കരിക്കുന്നതിനാണ് വിവിധ ക്ളബുകളുടെയും വൈല്‍ഡ് ലൈഫ് ഫോട്ടോഗ്രാഫര്‍ മനൂപ് ചന്ദ്രന്‍െറയും നേതൃത്വത്തില്‍ പ്രദര്‍ശനം സംഘടിപ്പിച്ചത്. ഇന്ത്യക്ക് അകത്തും പുറത്തുമായി വൈല്‍ഡ് ലൈഫ് ഫോട്ടോഗ്രാഫി പ്രദര്‍ശനം നടത്തിയ മനൂപ് ചന്ദ്രന്‍െറ 120 ഓളം വരുന്ന പ്രകൃതിയുമായി ബന്ധപ്പെട്ട ചിത്രങ്ങളാണ് പ്രദര്‍ശനത്തിലുള്ളത്. വിവിധ സ്ഥാപനങ്ങളിലെ വിദ്യാര്‍ഥികള്‍ക്കും മറ്റും സന്ദര്‍ശന സൗകര്യം ഒരുക്കിയിരുന്നു. മേളയോടനുബന്ധിച്ച് ഭക്ഷ്യമേളയും കലാപരിപാടികളും ഒരുക്കിയിട്ടുണ്ട്.