മെഡിക്കല്‍ കോളജ് റോഡിന് 19 കോടി

കോന്നി: നിര്‍ദിഷ്ട സര്‍ക്കാര്‍ മെഡിക്കല്‍ കോളജിലേക്കുള്ള പ്രധാന റോഡിന്‍െറ നിര്‍മാണം 19 കോടിക്ക് ടെന്‍ഡര്‍ ചെയ്തു. കോന്നിയില്‍നിന്ന് നെടുമ്പാറയിലേക്കുള്ള പ്രധാന റോഡിന്‍െറ ഭാഗമായ നിര്‍മാണം കരാര്‍ ഉറപ്പിക്കുന്നതോടെ ആരംഭിക്കും. നെടുമ്പാറ റോഡില്‍ വട്ടമണ്‍ മുതലുള്ള ഒന്നര കി.മീ. ഭാഗത്തെ ടാറിങ് ഉള്‍പ്പെടെയുള്ള ജോലികള്‍ ഇതിലുള്‍പ്പെടും. റോഡ് വെട്ടാന്‍ 2.5 കോടി ചെലവഴിച്ചു. സംരക്ഷണഭിത്തി, കലുങ്കുകളുടെയും ഓടകളുടെയും നിര്‍മാണം, ടാറിങ് എന്നിവ 19 കോടി ചെലവില്‍ പൂര്‍ത്തീകരിക്കും. അനുബന്ധ റോഡുകളുടെ നിര്‍മാണവും ഇതോടൊപ്പം പൂര്‍ത്തീകരിക്കും. മുരിങ്ങമംഗലം-വട്ടമണ്‍ റോഡിന്‍െറയും അനുബന്ധമായ പയ്യനാമണ്‍-വട്ടമണ്‍ റോഡിന്‍െറയും വികസനത്തിനുള്ള നടപടി പൂര്‍ത്തിയായി വരുന്നു. രണ്ടു റോഡും 12 മീറ്റര്‍ വീതിയില്‍ വികസിപ്പിക്കും.