ജനറല്‍ ആശുപത്രിയില്‍ കൂടുതല്‍ ശുചീകരണ ജോലിക്കാരെ നിയോഗിക്കും

അടൂര്‍: അടൂര്‍ ജനറല്‍ ആശുപത്രിയില്‍ കൂടുതല്‍ ശുചീകരണ ജോലിക്കാരെ നിയോഗിക്കുമെന്നും എന്‍.ആര്‍.എച്ച്.എം വഴി ഡോക്ടര്‍മാരെ നിയമിക്കാന്‍ നടപടി സ്വീകരിക്കുമെന്നും കലക്ടര്‍ എസ്. ഹരികിഷോര്‍ അറിയിച്ചു. ആശുപത്രി മാലിന്യം നീക്കം ചെയ്യുന്നതിന് എന്തു നടപടിയാണ് സ്വീകരിക്കേണ്ടതെന്ന് പരിശോധിക്കുന്നതിന് ജില്ലാ ശുചിത്വ മിഷന്‍ സംഘം വ്യാഴാഴ്ച ആശുപത്രിയില്‍ എത്തുമെന്നും കലക്ടര്‍ പറഞ്ഞു. ആശുപത്രിയിലെ പരാധീനതകളെ കുറിച്ചും മാലിന്യം കത്തിക്കുന്നതിനെ കുറിച്ചും പത്രവാര്‍ത്തകള്‍ ശ്രദ്ധയില്‍പെട്ടതിനെ തുടര്‍ന്നാണ് കലക്ടര്‍ ചിറ്റയം ഗോപകുമാര്‍ എം.എല്‍.എക്കൊപ്പം ആശുപത്രി സന്ദര്‍ശിച്ചത്. ജലസംഭരണിയുടെ അടിയില്‍ മാലിന്യം കത്തുന്നത് കലക്ടറുടെ ശ്രദ്ധയില്‍പെട്ടു. തിരുവല്ലയിലെയും പത്തനംതിട്ടയിലെയും മാലിന്യം നീക്കം ചെയ്യുന്ന സ്വകാര്യ ഏജന്‍സിയുമായി കലക്ടര്‍ ഫോണില്‍ ബന്ധപ്പെട്ടു. ആശുപത്രിയില്‍ മാലിന്യ സംസ്കരണ പ്ളാന്‍റ് നിര്‍മിക്കുന്നതിനും ആലോചനയുണ്ട്. അടൂരില്‍ സാമൂഹികാരോഗ്യ കേന്ദ്രം ജനറല്‍ ആശുപത്രിയായി ഉയര്‍ത്തിയിട്ടും ബഹുനില മന്ദിരം നിര്‍മിച്ചിട്ടും 20 ശുചീകരണ തൊഴിലാളികള്‍ മാത്രമാണുള്ളതെന്നും ആറുപേരെ കൂടി നിയമിച്ചെങ്കിലേ ശുചീകരണം കാര്യക്ഷമമാക്കാന്‍ കഴിയൂ എന്നും നഴ്സിങ് സൂപ്രണ്ട് കലക്ടറോടു പറഞ്ഞു. പുതിയ നിയമനങ്ങളും നടന്നിട്ടില്ളെന്നും ഡോക്ടര്‍മാരുടെയും നഴ്സുമാരുടെയും ഒഴിവുകള്‍ നികത്തിയിട്ടില്ളെന്നും ആശുപത്രി സൂപ്രണ്ടിന്‍െറ ചുമതല വഹിക്കുന്ന ഡോ. പ്രശാന്ത് ചൂണ്ടിക്കാട്ടി. 135 സ്റ്റാഫ് നഴ്സ് വേണ്ടിടത്ത് 68 പേരേയുള്ളു. ആറു മാസമായി സൂപ്രണ്ട് ഇല്ല. ആര്‍.എം.ഒയും ഇല്ല. ഇക്കാര്യങ്ങള്‍ ജീവനക്കാര്‍ കലക്ടറുടെയും എം.എല്‍.എയുടെയും ശ്രദ്ധയില്‍പെടുത്തി. സാമൂഹികാരോഗ്യ കേന്ദ്രത്തിന്‍െറ പാറ്റേണിലുള്ള ജീവനക്കാര്‍ ഇവിടെ ഉണ്ടാകുമെന്നും പുതിയ ഒഴിവുകള്‍ സൃഷ്ടിക്കണമെങ്കില്‍ ധനകാര്യ വകുപ്പിന്‍െറ ഉള്‍പ്പെടെയുള്ള അനുമതി ആവശ്യമാണെന്നും ഇതിന് കാലതാമസം ഉണ്ടാകുമെന്നും എം.എല്‍.എ സൂചിപ്പിച്ചു. സി.പി.ഐ മണ്ഡലം സെക്രട്ടറി ഡി. സജിയും ഒപ്പമുണ്ടായിരുന്നു.