രജിതക്കായി നാട്ടുകാര്‍ ഒരുമിക്കുന്നു

റാന്നി: അപുര്‍വരോഗം പിടിപെട്ട് വലയുന്ന നിര്‍ധന യുവതിയുടെ ചികിത്സക്കായി പണം കണ്ടത്തൊന്‍ നാട്ടുകാര്‍ ഉദാരമതികളുടെ സഹായം തേടുന്നു. മക്കപ്പുഴ താന്നിവേലില്‍ ഗോപാലന്‍ ചെല്ലമ്മ ദമ്പതികളുടെ മകള്‍ രജിതക്കാണ് (24) ശരീരം പൊള്ളിയതുപോലെ ചുവന്ന തടിപ്പുകള്‍ രൂപപ്പെട്ട് ത്വക്ക് പൊളിയുന്ന അവസ്ഥയില്‍ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിട്ടുള്ളത്. നിര്‍ധന കുടുംബാംഗമായ രജിതയുടെ ചികിത്സക്കായി ദിവസം 9000 രൂപയോളം ആവശ്യമാണ്. പണമില്ലാത്തതുകൊണ്ട് ചികിത്സയുമായി മുന്നോട്ടുപോകാന്‍ ബുദ്ധിമുട്ടുകയാണ് മാതാപിതാക്കള്‍. ചികിത്സക്കായി പണം സ്വരൂപിക്കാന്‍ മക്കപ്പുഴയിലും സമീപപ്രദേശങ്ങളിലും ഈമാസം 20ന് ഗ്രാമപഞ്ചായത്ത് ഒന്നാം വാര്‍ഡ് അംഗം പി.എ. ജോമോന്‍, കുടുംബശ്രീ അംഗങ്ങള്‍, സന്നദ്ധ സംഘടനാ പ്രവര്‍ത്തകര്‍ എന്നിവരുടെ നേതൃത്വത്തില്‍ വീടുകള്‍ കയറും.