Begin typing your search above and press return to search.
exit_to_app
exit_to_app
Posted On
date_range 31 May 2019 11:31 PM GMT Updated On
date_range 31 May 2019 11:31 PM GMTഅടൂർ-മണിപ്പാൽ ബസ് സർവിസ് ആരംഭിച്ചു
text_fieldsbookmark_border
അടൂർ: അടൂരിൽനിന്ന് മണിപ്പാലിലേക്ക് ബസ് സർവിസ് ആരംഭിച്ചു. കഴിഞ്ഞ നിയമസഭ സമ്മേളന കാലയളവിൽ അടൂർ കെ.എസ്.ആർ.ടി.സി ഡി പ്പോയിൽനിന്ന് ഇൻറർസ്റ്റേറ്റ് സർവിസ് ആരംഭിക്കണമെന്ന് ഗതാഗതമന്ത്രിയോട് ചിറ്റയം ഗോപകുമാർ എം.എൽ.എ ആവശ്യപ്പെട്ടതിൻെറ അടിസ്ഥാനത്തിൽ മന്ത്രി ഇതു സംബന്ധിച്ച് ഉറപ്പുനൽകിയിരുന്നു. അടൂരിൽനിന്ന് വെള്ളിയാഴ്ച വൈകീട്ട് 4.20ന് ചിറ്റയം ഗോപകുമാർ എം.എൽ.എ ഫ്ലാഗ്ഓഫ് ചെയ്ത് സർവിസ് ആരംഭിച്ചതോടെ ദീർഘനാളായി അടൂരിലെ ജനങ്ങളുടെ ആവശ്യമാണ് യാഥാർഥ്യമായത്. ധാരാളം ആൾക്കാർ ഇവിടെ നിന്ന് മംഗലാപുരത്തേക്കും കാസർകോട്ടേക്കും കൂടാതെ അവിടെ നിന്ന് മണിപ്പാലിലേക്കും പോകുന്നുണ്ട്. ആ യാത്രക്കാർക്കെല്ലാം സൗകര്യപ്രദമായ നിലയിലാണ് ഇപ്പോൾ സർവിസ് ആരംഭിച്ചിരിക്കുന്നത്. ഉദ്ഘാടന ചടങ്ങിൽ നഗരസഭ ചെയർപേഴ്സൻ ഷൈനി ബോബി അധ്യക്ഷതവഹിച്ചു. സി.പി.എം ജില്ല സെക്രട്ടേറിയറ്റ് അംഗങ്ങളായ പി.ബി. ഹർഷകുമാർ, ടി.ഡി. ബൈജു, സി.പി.ഐ ജില്ല അസി. സെക്രട്ടറി ഡി. സജി, സി.പി.എം ഏരിയ കമ്മിറ്റി സെക്രട്ടറി എസ്. മനോജ്, കെ.ജി. വാസുദേവൻ, എൻ.സി.പി ജില്ല പ്രസിഡൻറ് മാത്യു ജോർജ്, ചെറിയാൻ ഫിലിപ്പ്, തമ്പു, സാബുഖാൻ, എ.ഐ.ടി.യു.സി നേതാവ് ടി.ആർ. ബിജു, സി.ഐ.ടി.യു നേതാവ് അജയൻ, പി. രവീന്ദ്രൻ, അടൂർ എ.ടി.ഒ, കൺട്രോളിങ് ഇൻസ്ട്രക്ടർ എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story