പട്ടാമ്പി നഗരസഭ മത്സ്യമാർക്കറ്റ് അനിശ്ചിതകാലത്തേക്ക് അടച്ചു

പട്ടാമ്പി: പട്ടാമ്പി മത്സ്യമാർക്കറ്റിൽ കമ്മീഷൻ ഏജന്‍റിന്‍റെ തൊഴിലാളിക്ക് കോവിഡ് സ്ഥിരീകരിച്ചതിനെ തുടർന്ന് മാർക്കറ്റിലെ മുഴുവൻ സ്ഥാപനങ്ങളും അനിശ്ചിതകാലത്തേക്ക് അടച്ചു. സമൂഹ വ്യാപനം തടയുന്നതിന്‍റെ ഭാഗമായാണ് അടച്ചത്. സമ്പർക്കത്തിലൂടെയുള്ള രോഗവ്യാപനം ഇല്ല എന്ന് ഉറപ്പ് വരുത്തിയ ശേഷം അണു നശീകരണം നടത്തി മാത്രമേ ഇനി മാർക്കറ്റ് പ്രവർത്തനം ആരംഭിക്കുകയുള്ളൂ എന്ന് നഗരസഭ ചെയർമാൻ കെ.എസ് ബി.എ തങ്ങൾ അറിയിച്ചു.