വേ​ലാ​യു​ധ​ൻ വൈ​ദ്യ​രു​ടെ അ​ന്ത്യാ​ഭി​ലാ​ഷം സ​ഫ​ല​മാ​കു​ന്നു: ആ​യു​ർ​വേ​ദ ആ​ശു​പ​ത്രി​ നിർമാണം അവസാന ഘട്ടത്തിൽ

ഒ​റ്റ​പ്പാ​ലം: ആ​യു​ർ​വേ​ദ ആ​ശു​പ​ത്രി​ക്കാ​യി കോ​ടി​ക​ൾ വി​ല​മ​തി​ക്കു​ന്ന സ്ഥ​ലം സ​ർ​ക്കാ​റി​ന് ദാ​നം ചെ​യ്ത് മ​ര​ണ​മ​ട​ഞ്ഞ ആ​യു​ർ​വേ​ദ ശി​രോ​മ​ണി വേ​ലാ​യു​ധ​ൻ വൈ​ദ്യ​രു​ടെ അ​ന്ത്യാ​ഭി​ലാ​ഷം സ​ഫ​ല​മാ​കു​ന്നു. 2015 സെ​പ്റ്റം​ബ​ർ 12നാ​യി​രു​ന്നു കെ​ട്ടി​ട​ത്തിെൻറ നി​ർ​മാ​ണോ​ദ്ഘാ​ട​നം. പ്രാ​രം​ഭ​മാ​യി ല​ക്ഷ്യ​മി​ട്ട ഒ​രു​നി​ല കെ​ട്ടി​ട​ത്തിെൻറ നി​ർ​മാ​ണം ഏ​താ​ണ്ട് പൂ​ർ​ത്തി​യാ​യ​തോ​ടെ വേ​ലാ​യു​ധ​ൻ വൈ​ദ്യ​രു​ടെ അ​ന്ത്യാ​ഭി​ലാ​ഷം സാ​ക്ഷാ​ത്ക്ക​രി​ക്കു​മെ​ന്നു​റ​പ്പാ​യി. 2006 ഏ​പ്രി​ൽ നാ​ലി​ന് മ​രി​ക്കു​ന്ന​തി​ന് ഏ​താ​നും മാ​സം മു​മ്പാണ്​ ന​ഗ​ര​ത്തിെൻറ ക​ണ്ണാ​യ സ്ഥ​ല​ത്തെ 15 സെൻറ് സ്ഥ​ല​വും വൈ​ദ്യ​ശാ​ല​യും മ​രു​ന്ന് ശേ​ഖ​ര​വും സ​ർ​ക്കാ​റി​ന് ദാ​നം ന​ൽ​കാ​നാ​യി രേ​ഖ​പ്പെ​ടു​ത്തി​ക്കൊ​ണ്ടു​ള്ള ഒ​സ്യ​ത്ത് വേ​ലാ​യു​ധ​ൻ വൈ​ദ്യ​ർ എ​ഴു​തി​വെ​ച്ച​ത്. സം​സ്കാ​രാ​ന​ന്ത​രം ഇ​ദ്ദേ​ഹം ത​നി​ച്ച് താ​മ​സി​ച്ചി​രു​ന്ന വീ​ട്ടി​ൽ ബ​ന്ധു​ക്ക​ൾ ന​ട​ത്തി​യ പ​രി​ശോ​ധ​ന​യി​ലാ​ണ് ഒ​സ്യ​ത്ത് ക​ണ്ടെ​ടു​ത്ത​ത്. ബ​ന്ധു​ക്ക​ളു​ടെ ഇ​ട​പെ​ട​ലും സ​മ്മ​ർ​ദ​വും മൂ​ല​മാ​ണ് റ​വ​ന്യൂ വ​കു​പ്പ് സ്ഥ​ലം ഏ​റ്റെ​ടു​ത്ത​ത്. അ​മ്മ​യു​ടെ നാ​മ​ധേ​യ​ത്തി​ൽ നി​ർ​ധ​ന രോ​ഗി​ക​ൾ​ക്ക് ആ​ശ്ര​യി​ക്കാ​വു​ന്ന സ​ർ​ക്കാ​ർ ആ​യു​ർ​വേ​ദ ആ​ശു​പ​ത്രി എ​ന്ന സ്വ​പ്ന​വു​മാ​യി ഒ​സ്യ​ത്ത് ത​യാ​റാ​ക്കു​മ്പോ​ൾ വേ​ലാ​യു​ധ​ൻ വൈ​ദ്യ​രു​ടെ ചി​ന്ത​യി​ൽ​പോ​ലും ഉ​ണ്ടാ​കാ​ൻ സാ​ധ്യ​ത​യി​ല്ലാ​ത്ത​താ​യി​രു​ന്നു സ​ർ​ക്കാ​ർ ന​ട​പ​ടി​ക്ര​മ​ങ്ങ​ളി​ലു​ണ്ടാ​യ പ്ര​തി​സ​ന്ധി​ക​ൾ. റ​വ​ന്യൂ വ​കു​പ്പ് ഏ​റ്റെ​ടു​ത്ത സ്ഥ​ലം ആ​രോ​ഗ്യ​വ​കു​പ്പി​ന് കൈ​മാ​റാ​നും സ്ഥ​ല​ത്തെ പ​ഴ​യ വൈ​ദ്യ​ശാ​ല പൊ​ളി​ക്കാ​നു​ള്ള അ​നു​മ​തി​ക്കും വ​ർ​ഷ​ങ്ങ​ൾ കാ​ത്തി​രി​ക്കേ​ണ്ടി​വ​ന്നു. വൈ​ദ്യ​രു​ടെ മേ​ൽ​നോ​ട്ട​ത്തി​ലു​ണ്ടാ​ക്കി​യ മ​രു​ന്നു​ക​ൾ രോ​ഗി​ക​ളി​ലെ​ത്തി​ക്കാ​ൻ സ​മ്മ​ർ​ദം ഏ​റി​യ​തോ​ടെ കു​റ​ച്ചു​കാ​ലം ക​ണ്ണി​യം​പു​റ​ത്തെ സ​ർ​ക്കാ​ർ ആ​യു​ർ​വേ​ദ ആ​ശു​പ​ത്രി​യു​ടെ സ​ബ്‌ സെൻറ​റാ​യി പ്ര​വ​ർ​ത്തി​പ്പി​ച്ച് മ​രു​ന്നു​ക​ളു​ടെ വി​ത​ര​ണം ന​ട​ത്തി​യി​രു​ന്നു. അ​ര​നൂ​റ്റാ​ണ്ടി​ലേ​റെ​ക്കാ​ലം സ്വ​ന്തം വൈ​ദ്യ​ശാ​ല​യി​ലി​രു​ന്ന് രോ​ഗി​ക​ൾ​ക്ക് ആ​ശ്വാ​സം പ​ക​ർ​ന്നി​രു​ന്ന വൈ​ദ്യ​രു​ടെ ആ​ക​സ്മി​ക വി​യോ​ഗം നാ​ടി​നും നാ​ട്ടു​കാ​ർ​ക്കും തീ​രാ​വേ​ദ​ന​യാ​ണു​ണ്ടാ​ക്കി​യ​ത്. എ​ന്നാ​ൽ, ന​ഗ​ര​മ​ധ്യ​ത്തി​ൽ ആ​യു​ർ​വേ​ദ ആ​ശു​പ​ത്രി യാ​ഥാ​ർ​ഥ്യ​മാ​കു​ന്ന​തി​ൽ ക​ണ്ണും​ന​ട്ടി​രി​ക്കു​ക​യാ​ണ് ഒ​റ്റ​പ്പാ​ലം.