കോതച്ചിറയില്‍നിന്ന് 28.5 ലിറ്റര്‍ വിദേശമദ്യം പിടികൂടി

കൂറ്റനാട്: വീട്ടില്‍ സൂക്ഷിച്ച വിദേശമദ്യം പിടികൂടി. പാലക്കാട് എക്സൈസ് വകുപ്പ് നടത്തിയ പരിശോധനയില്‍ കോതച്ചിറയില്‍ നിന്നാണ് 28.5 ലിറ്റര്‍ വിദേശമദ്യം പിടികൂടിയത്. സ്ഥിരമായി വില്‍പന നടത്താന്‍ ശേഖരിച്ച മദ്യമാണ് പിടികൂടിയതെന്ന് അധികൃതര്‍ അറിയിച്ചു. സംഭവവുമായി ബന്ധപ്പെട്ട് കോതച്ചിറ തലപ്പിള്ളി കാളിക്കെതിരെ(67) കേസെടുത്തു. പ്രതിയെ അടുത്തദിവസം അറസ്റ്റ് ചെയ്യുമെന്ന് എക്സൈസ് അധികൃതര്‍ അറിയിച്ചു. പരിശോധനക്ക് സന്തോഷ്കുമാര്‍, ജയപ്രകാശ്, സന്തോഷ്, ദിലീപ്, മഹേഷ്, ഡ്രൈവര്‍ ലൂക്കോസ് എന്നിവര്‍ നേതൃത്വം നല്‍കി.