മണല്‍കടത്ത്: നാലു പേര്‍ അറസ്റ്റില്‍

ആനക്കര: മണല്‍കടത്തുമായി ബന്ധപ്പെട്ട് നാലു പേരെ തൃത്താല പൊലീസ് അറസ്റ്റുചെയ്തു. ആനക്കര കാറ്റാടികടവില്‍ നിന്ന് മണലെടുത്തു വരികയായിരുന്ന മിനിലോറി ഉള്‍പ്പടെയാണ് പ്രതികളെ കസ്റ്റഡിയിലെടുത്തത്. ഷാഹുല്‍ ഹമീദ്, രാകേഷ്, മുഹമ്മദുണ്ണി, അലി അഹമ്മദ് എന്നിവരെയാണ് തൃത്താല എസ്.ഐ രഞ്ജിത്ത് അറസ്റ്റ് ചെയ്തത്. ഇവരെ പിന്നീട് പട്ടാമ്പി കോടതി റിമാന്‍ഡ് ചെയ്തു. നേരത്തെയും മണല്‍കടത്തുമായുള്ള കേസിലെ പ്രതികളാണിവരെന്ന് പൊലീസ് പറഞ്ഞു. അതേസമയം, തൃത്താല പരിധിയില്‍ പൊലീസ് പരിശോധന ഊര്‍ജിതമാക്കുന്നുണ്ടങ്കിലും കുറ്റിമേഖലയില്‍ നിന്നുമാണ് ഏറെയും മണലെടുത്തുവരുന്നത്.