മണ്ണാര്‍ക്കാട് ആശുപത്രിപ്പടി ചീഞ്ഞ് നാറുന്നു

മണ്ണാര്‍ക്കാട്: നഗരത്തില്‍ ആശുപത്രി ജങ്ഷന്‍ ചീഞ്ഞ് നാറുന്നു. അഴുക്കുചാലുകള്‍ അടഞ്ഞ് മലിനജലം റോഡിലേക്ക് ഒഴുകുന്നതിനാല്‍ നെല്ലിപ്പുഴ ആശുപത്രിപ്പടിയില്‍ മൂക്കുപൊത്തി നടക്കേണ്ട അവസ്ഥയാണ്. ആല്‍ത്തറ ജങ്ഷനിലെ ഹോട്ടലുകളിലേയും മറ്റും മാലിന്യങ്ങള്‍ ഓടയിലേക്ക് ഒഴുകിയത്തെുകയും അടഞ്ഞ് കിടക്കുന്നതുമാണ് ദേശീയപാതയില്‍ മലിന ജലം റോഡരികില്‍ തളംകെട്ടി നില്‍ക്കാന്‍ കാരണം. ഏറെ തിരക്കും, നിരവധി പേര്‍ ബസ് കാത്തുനില്‍ക്കുകയും ചെയ്യുന്ന ആശുപത്രിപ്പടിയിലേക്കാണ് ഈ മാലിന്യം മുഴുവന്‍ ഒഴുകിയത്തെുന്നത്. സമീപത്തുള്ള ഷോപ്പിങ് കോംപ്ളക്സിനകത്തേക്ക് മാലിന്യങ്ങള്‍ ഒഴുകിയത്തെുന്നത് മൂലം വ്യാപാരികളും ബുദ്ധിമുട്ടുകയാണ്. ഓടകള്‍ വൃത്തിയാക്കാന്‍ അടിയന്തര നടപടി വേണമെന്നാണ് നാട്ടുകാരുടെ ആവശ്യം.