കരിമ്പുഴയിലെ റീസര്‍വേ, മിച്ചഭൂമി പ്രശ്നങ്ങള്‍ പരിഹരിക്കാന്‍ നടപടി

ശ്രീകൃഷ്ണപുരം: കരിമ്പുഴ ഒന്ന് വില്ളേജിലെ റീസര്‍വേ അപാകതകളും മിച്ചഭൂമി പ്രശ്നവും പരിഹരിക്കാന്‍ റവന്യൂ വകുപ്പ് സത്വര നടപടികള്‍ സ്വീകരിച്ചതായ സൂചന. വില്ളേജിലെ പട്ടയം ലഭിച്ച ലക്ഷംവീട് കോളനികളുടെ നികുതി 13 മുതല്‍ സ്വീകരിക്കുമെന്നാണ് അറിയുന്നത്. വില്ളേജിലെ 3000ത്തോളം വരുന്ന റീസര്‍വേ പരാതികളില്‍ തീര്‍പ്പുണ്ടാക്കാന്‍ സര്‍വേയര്‍മാരെ നിയോഗിച്ചു. പരാതിക്കാര്‍ക്ക് വകുപ്പില്‍നിന്നും ഇതുസംബന്ധിച്ച അറിയിപ്പ് നല്‍കുമത്രെ. സര്‍ക്കാര്‍ ഏറ്റെടുത്ത മിച്ചഭൂമി അര്‍ഹതപ്പെട്ടവര്‍ക്ക് വിതരണം ചെയ്യാനുള്ള നടപടിയുണ്ടാകുമെന്നാണ് സൂചന. വില്ളേജിലെ റീസര്‍വേ പ്രശ്നം പരിഹരിച്ച് നികുതി അടക്കാനുള്ള സൗകര്യമുണ്ടാക്കണമെന്ന് ആവശ്യപ്പെട്ട് സി.പി.ഐയുടെ നേതൃത്വത്തില്‍ ഉപരോധം സംഘടിപ്പിച്ചിരുന്നു. ഇതിന്‍െറ അടിസ്ഥാനത്തില്‍ വകുപ്പധികൃതരുമായി നടത്തിയ ചര്‍ച്ചയിലാണ് തീരുമാനമായതെന്ന് സി.പി.ഐ മണ്ഡലം സെക്രട്ടറി വി.പി. ജയപ്രകാശ്, അസി. സെക്രട്ടറി യു. അച്യുതന്‍ എന്നിവര്‍ അറിയിച്ചു.