മാധ്യമ പ്രവര്‍ത്തകനെ മര്‍ദിച്ചതില്‍ പ്രതിഷേധിച്ചു

പട്ടാമ്പി: തിങ്കളാഴ്ച പട്ടാമ്പി ഗവ. ഹൈസ്കൂള്‍ പരിസരത്ത് വിദ്യാര്‍ഥി സമരം റിപ്പോര്‍ട്ട് ചെയ്യാനത്തെിയ എസ്.സി വിഭാഗക്കാരനായ ജന്മഭൂമി ലേഖകന്‍ രജിന്‍ കൃഷ്ണനെ മര്‍ദിച്ചവരെ ഉടന്‍ പിടികൂടണമെന്ന് എസ്.സി മോര്‍ച്ച മണ്ഡലം കമ്മിറ്റി ആവശ്യപ്പെട്ടു. ഇക്കാര്യം ആവശ്യപ്പെട്ട് കേന്ദ്ര പട്ടികജാതി കമീഷന് പരാതി നല്‍കാനും തീരുമാനിച്ചു. മണ്ഡലം പ്രസിഡന്‍റ് വി. മണികണ്ഠന്‍ അധ്യക്ഷത വഹിച്ചു. ജില്ലാ പ്രസിഡന്‍റ് കെ.വി. ദിവാകരന്‍, ടി.പി. ശ്രീധരന്‍, ശശി തീരുവേഗപ്പുറ, അനീഷ് എന്നിവര്‍ സംസാരിച്ചു. മാധ്യമപ്രവര്‍ത്തകനെ മര്‍ദിച്ചവരെ അറസ്റ്റ്് ചെയ്യണമെന്ന് ബി.ജെ.പി നിയോജകമണ്ഡലം കമ്മിറ്റി ആവശ്യപ്പെട്ടു. സംസ്ഥാന സമിതിയംഗം പൂക്കാട്ടിരി ബാബു ഉദ്ഘാടനം ചെയ്തു. കെ.എം. ഹരിദാസ്, വി.ബി. മുരളി, ഗോപി പുവ്വക്കോട്, വി. മണികണ്ഠന്‍ എന്നിവര്‍ സംസാരിച്ചു.