ആനക്കര ഹൈസ്കൂളില്‍ സാമൂഹിക വിരുദ്ധരുടെ വിളയാട്ടം

ആനക്കര: ഗവ. ഹയര്‍ സെക്കന്‍ഡറി സ്കൂളില്‍ സാമൂഹിക വിരുദ്ധരുടെ വിളയാട്ടം. ക്ളാസ്മുറിയിലെ ഫര്‍ണിച്ചറുകള്‍ കത്തിച്ചു. തിങ്കളാഴ്ച രാവിലെ ക്ളാസ്മുറികളിലത്തെിയ വിദ്യാര്‍ഥികളാണ് ഫര്‍ണിച്ചറുകള്‍ കത്തിയ നിലയില്‍ കണ്ടത്തെിയത്. ഇതിന് പുറമെ സ്കൂള്‍ ഗ്രൗണ്ടിലെ പുല്ലിനും തീവെച്ചിട്ടുണ്ട്. അടുത്ത കാലത്തായി അവധി ദിനങ്ങളില്‍ സാമൂഹിക വിരുദ്ധര്‍ വ്യാപകമായ അതിക്രമങ്ങളാണ് സ്കൂളില്‍ നടത്തുന്നതെന്ന പരാതിയുണ്ട്. സ്കൂള്‍ പി.ടി.എയുടെ നേതൃത്വത്തില്‍ പരാതികള്‍ നല്‍കിയെങ്കിലും നടപടിയുണ്ടായില്ല. ചില വിദ്യാര്‍ഥികളും ഇതിന് സഹായം നല്‍കുന്നുണ്ടെന്ന് നാട്ടുകാര്‍ പറയുന്നു. തൃത്താല എസ്.ഐ രഞ്ജിത്തിന്‍െറ നേതൃത്വത്തില്‍ പൊലീസ് സ്ഥലത്തത്തെി പരിശോധന നടത്തി. പി.ടി.എ പ്രസിഡന്‍റ് സുരേന്ദ്രന്‍, സി.കെ. ശശി പച്ചാട്ടിരി എന്നിവരുടെ നേതൃത്വത്തിലാണ് പൊലീസില്‍ പരാതി നല്‍കിയത്. ദിവസവും രണ്ടുനേരം മേഖലയില്‍ പൊലീസ് പട്രോളിങ് നടത്തുന്നുണ്ടന്ന് എസ്.ഐ പറഞ്ഞു.