നൂറിലേറെ വിഭവങ്ങളൊരുക്കി കുട്ടികളുടെ ഭക്ഷ്യ പ്രദര്‍ശനമേള

പത്തിരിപ്പാല: ഇലക്കറി മുതല്‍ പപ്പായ വരെയുള്ള നൂറിലേറെ വിഭവങ്ങള്‍ കറിവെച്ചൊരുക്കി മാങ്കുറുശ്ശി എ.യു.പി സ്കൂളിലെ വിദ്യാര്‍ഥികള്‍ ഒരുക്കിയ പ്രദര്‍ശനമേള ശ്രദ്ധേയമായി. ജൈവ പച്ചക്കറി ഉപയോഗിച്ചുള്ള വ്യത്യസ്ത വിഭവങ്ങളാണ് വിദ്യാര്‍ഥികള്‍ തയാറാക്കിയത്. ഇലക്കറികള്‍ മുതല്‍ പപ്പായക്കറി വരെ സ്വന്തമായാണ് ഓരോ വിദ്യാര്‍ഥികളും വിഭവങ്ങള്‍ തയാറാക്കിയത്. കപ്പ, കിഴങ്ങ് വര്‍ഗങ്ങള്‍, പയര്‍, മത്തന്‍, കയ്പക്ക, അവില്‍, ചമ്മന്തി, തോരന്‍, മുരിങ്ങക്കായ, ചേന, ചേമ്പ്, കാബേജ്, ബീറ്റ്റൂട്ട്, ബീന്‍സ്, അമര, കാരറ്റ് തുടങ്ങിയ നൂറിലേറെ വിഭവങ്ങളാണ് വിദ്യാര്‍ഥികള്‍ ഒരുക്കിയത്. സഹായത്തിനായി അധ്യാപകരും ഉണ്ടായിരുന്നു. ഭക്ഷ്യവിഭവ പ്രദര്‍ശനമേള കാണാന്‍ നിരവധി രക്ഷിതാക്കള്‍ക്കും സ്കൂളിലെ വിദ്യാര്‍ഥികള്‍ക്കും സൗകര്യം ഒരുക്കിയിരുന്നു.