ചെക്ഡാം നിര്‍മാണത്തില്‍ അപാകതയെന്ന് വിജിലന്‍സ്

വടക്കഞ്ചേരി: കിഴക്കഞ്ചേരി ഗ്രാമപഞ്ചായത്തിലെ ഓടാന്തോട്, വക്കാലിവല്ലിയോട് എന്നിവിടങ്ങളിലെ ചെക്ഡാം നിര്‍മാണത്തില്‍ അപാകതയുള്ളതായി വിജിലന്‍സ് കണ്ടത്തെി. 12 ലക്ഷത്തോളം രൂപ ഉപയോഗിച്ച് നിര്‍മിച്ച ചെക് ഡാമുകള്‍ ഒരു വര്‍ഷം തികയും മുമ്പേ ദുര്‍ബലമാവുകയായിരുന്നു. തടയണ നിര്‍മിക്കുമ്പോള്‍ പാലിക്കേണ്ട മാനദണ്ഡങ്ങള്‍ നിര്‍മാണത്തില്‍ പാലിച്ചിട്ടില്ല്ള. ബ്ളോക് പഞ്ചായത്തിന്‍െറ വാട്ടര്‍ഷെഡ് പദ്ധതി പ്രകാരമാണ് ചെക്ക്ഡാമിന് ഫണ്ടനുവദിച്ചത്. നിര്‍മാണം സംബന്ധിച്ച് വിശദമായ അന്വേഷണം വേണമെന്നാവശ്യപ്പെട്ട് വിജിലന്‍സ് ഡയറക്ടര്‍ക്ക് റിപ്പോര്‍ട്ട് നല്‍കുമെന്ന് വിജിലന്‍സ് സി.ഐ സുനില്‍കുമാര്‍ പറഞ്ഞു. വി.എസ്. ജയപ്രകാശ്, ഷംസീര്‍ അലി, രതീഷ്, ജയശങ്കര്‍, അസി. എക്സിക്യൂട്ടീവ് എന്‍ജിനീയര്‍ ബാലകൃഷ്ണന്‍, നാഷനല്‍ ഹൈവേ സബ് ഡിവിഷന്‍ എ.ഇ കെ.എ. ബാബു എന്നിവരും ഉണ്ടായിരുന്നു.