ബൈക്കില്‍ ബസ് കയറിയിറങ്ങി; യാത്രക്കാര്‍ അദ്ഭുതകരമായി രക്ഷപ്പെട്ടു

മണ്ണാര്‍ക്കാട്: ബൈക്കിന് മുകളില്‍ ബസ് കയറിയിറങ്ങി യാത്രക്കാര്‍ അദ്ഭുതകരമായി രക്ഷപ്പെട്ടു. ശനിയാഴ്ച രാത്രി ഏഴരയോടെ കുമരം പുത്തൂര്‍ കല്ലടി ഹയര്‍സെക്കന്‍ഡറി സ്കൂളിന് സമീപമാണ് അപകടം. ദേശീയപാതക്കരികിലുള്ള ചെറിയ റോഡിലേക്ക് ബൈക്ക് തിരിയുന്നതിനിടെ കോഴിക്കോട്ടുനിന്ന് പാലക്കാട്ടേക്ക് പോവുകയായിരുന്ന സ്വകാര്യ ബസാണ് ഇടിച്ചത്. ബസിന്‍െറ വരവുകണ്ട് ബൈക്ക് യാത്രക്കാരായ തെങ്കര സ്വദേശികളായ ഹരി, സുകുമാരന്‍ എന്നിവര്‍ ബൈക്കില്‍നിന്ന് ചാടി രക്ഷപ്പെട്ടു. ഇവര്‍ റോഡരികിലേക്ക് വീണു. ബൈക്ക് പൂര്‍ണമായും തകര്‍ന്നു.