മാച്ചാംതോട് ടാങ്കര്‍ മറിഞ്ഞ് രണ്ടുപേര്‍ക്ക് പരിക്ക്

കല്ലടിക്കോട്: പാലക്കാട്-കോഴിക്കോട് ദേശീയപാതയില്‍ പൊന്നംകോടിനടുത്ത് മാച്ചാംതോടില്‍ ടാങ്കര്‍ ലോറി നിയന്ത്രണംവിട്ട് തോട്ടത്തിലേക്ക് മറിഞ്ഞ് രണ്ടുപേര്‍ക്ക് പരിക്കേറ്റു. റോഡരികിലെ വൈദ്യുതി പോസ്റ്റ് ഇടിച്ച് തകര്‍ത്താണ് പാലക്കാട്ട് നിന്ന് രാസപദാര്‍ഥം കയറ്റി കോഴിക്കോട്ടേക്ക് വരുകയായിരുന്ന ലോറി മറിഞ്ഞത്. വ്യാഴാഴ്ച പുലര്‍ച്ചെ നാലോടെയാണ് അപകടം. അപകടത്തില്‍ പരിക്കേറ്റവര്‍ മണ്ണാര്‍ക്കാട് സ്വകാര്യ ആശുപത്രിയില്‍ ചികിത്സ തേടി. അപകടത്തെ തുടര്‍ന്ന് പ്രദേശത്ത് വൈദ്യുതി വിതരണം തടസ്സപ്പെട്ടു. അപകടത്തില്‍ പരിക്കേറ്റവരെ ഹൈവേ പൊലീസാണ് ആശുപത്രിയിലത്തെിച്ചത്.