കോവിഡ്​ പ്രതിരോധം: ഓട്ടോഘടനയിൽ മാറ്റംവരുത്തി ഡ്രൈവർ

മാള: കോവിഡ് പ്രതിരോധത്തിൻെറ ഭാഗമായി ഓട്ടോഘടനയിൽ മാറ്റം വരുത്തി ഡ്രൈവർ. മാള ഓട്ടോ ഡ്രൈവറായ അജയനാണ് യാത്രക്കാരനും ഡ്രൈവർക്കും ഇടയിലെ ഭാഗം ഗ്ലാസ്പേപ്പർ കൊണ്ട് മറച്ചത്. യാത്രക്കാരന് ഡ്രൈവറേയും മുൻ കാഴ്ചകളും കാണാനിത് തടസ്സമല്ല. മീറ്ററിൽ കാണുന്ന ചാർജ് നിക്ഷേപിക്കാനുള്ള സൗകര്യവും ഗ്ലാസ് പേപ്പറിലുണ്ട്. ചാറ്റൽ മഴ തടയുന്നതിനും ഇതുവഴി സാധിക്കും. സർക്കാർ ഇടപെട്ട് എല്ലാ ഓട്ടോറിക്ഷകളിലും ഗ്ലാസ് പേപ്പർ സ്ഥാപിക്കണമെന്നാണ് ഈ ഡ്രൈവറുടെ അഭ്യർഥന. mala-auto: മാളയിൽ കോവിഡ് പ്രതിരോധത്തിൻെറ ഭാഗമായി ഓട്ടോറിക്ഷയിൽ സ്വയം പരിഷ്കരണം ഏർപ്പെടുത്തിയ ഡ്രൈവർ വാഹനവുമായി