ലൈബ്രറിയിലേക്ക് പുസ്തകങ്ങൾ കൈമാറും

മഞ്ചേരി: പ്രളയത്തിൽ വെള്ളം കയറി പുസ്തകങ്ങൾ നശിച്ച നിലമ്പൂർ, എടക്കര ഭാഗങ്ങളിലെ ലൈബ്രറികളിലേക്ക് എജുമാർട്ട് പുസ്തകങ്ങൾ നൽകുമെന്ന് മാനേജ്മൻെറ് പ്രതിനിധികൾ വാർത്തസമ്മേളനത്തിൽ അറിയിച്ചു. വെള്ളിയാഴ്ച മഞ്ചേരിയിൽ ആരംഭിക്കുന്ന പുതിയ ബ്രാഞ്ചിൻെറ ഉദ്ഘാടനം മന്ത്രി കെ.ടി. ജലീൽ നിർവഹിക്കും. അഡ്വ. എം. ഉമ്മർ എം.എൽ.എ ആദ്യവിൽപന നടത്തും. നഗരസഭ ചെയർപേഴ്സൻ വി.എം. സുബൈദ ലൈബ്രറി കിറ്റ് വിതരണം ഉദ്ഘാടനം ചെയ്യും. എടക്കര സർക്കിൾ ഇൻസ്പെക്ടർ മനോജ് കിറ്റ് ഏറ്റുവാങ്ങും. വാർത്തസമ്മേളനത്തിൽ മാനേജിങ് ഡയറക്ടർ മുസ്തഫ കൂർമത്ത്, മുനീർ കൂർമത്ത്, നൗഷാദ് കൂർമത്ത്, മുജീബ് റഹ്മാൻ കൂർമത്ത് എന്നിവർ സംബന്ധിച്ചു.