സഹപാഠിക്കൊരു വീടിന് കൈത്താങ്ങ്

പുലാമന്തോൾ: ഗവ. ഹയർ സെക്കൻഡറി സ്കൂൾ എൻ.എസ്.എസ്, സ്കൗട്ട് യൂനിറ്റുകളുടെ നേതൃത്വത്തിൽ നിർമിക്കുന്ന സഹപാഠിക്കൊരു വീടിന് കേരള അയേൺ ഫാബ്രിക്കേഷൻ ആൻഡ് ഇൻഡസ്ട്രീസ് അസോസിയേഷൻ പുലാമന്തോൾ മേഖലയുടെ കൈത്താങ്ങ്. വീടിനാവശ്യമായ ജനലുകളും ഗ്രില്ലുകളും തയാറാക്കി സംഭാവന ചെയ്താണ് വിദ്യാർഥികൾക്ക് തുണയായത്. പുലാമന്തോൾ ഗ്രാമപഞ്ചായത്ത് പ്രസിഡൻറ് വി.പി. മുഹമ്മദ് ഹനീഫയുടെ സാന്നിധ്യത്തിൽ അസോസിയേഷൻ ഭാരവാഹികളിൽനിന്ന് നിർമാണ കമ്മിറ്റി അംഗങ്ങളും എൻ.എസ്.എസ്-സ്കൗട്ട് വളൻറിയർമാരും ജനാലകൾ ഏറ്റുവാങ്ങി. പടം പുലാമന്തോൾ മേഖല ഇൻഡസ്ട്രീസ് അസോസിയേഷൻ നിർമിച്ചുനൽകുന്ന കട്ടില പുലാമന്തോൾ ജി.എച്ച്.എസ്.എസ്, എൻ.എസ്.എസ്, സ്കൗട്ട് ഗ്രൂപ്പുകൾ ഏറ്റുവാങ്ങുന്നു