ജൈവകർഷക കൂട്ടായ്മ രൂപവത്കരിച്ചു

അമരമ്പലത്ത് പൂക്കോട്ടുംപാടം: അമരമ്പലം കൃഷിഭവൻെറ ആഭിമുഖ്യത്തിൽ പി.കെ.വി.വൈ പദ്ധതിയിൽപെട്ട നാളികേര കർഷകരുടെ കൂട്ടായ്മ രൂപവത്കരിച്ചു. അമരമ്പലം ഗ്രാമപഞ്ചായത്ത് പ്രസിഡൻറ് മുനീഷ കടവത്ത് ക്ലസ്റ്റർ ഉദ്ഘാടനം ചെയ്തു. കാളികാവ് കൃഷി അസി. ഡയറക്ടർ എൻ. പ്രീത പദ്ധതി വിശദീകരിച്ചു. വൈസ് പ്രസിഡൻറ് ടി.പി. ഹംസ അധ്യക്ഷത വഹിച്ചു. പഞ്ചായത്ത് സ്ഥിരം സമിതി അധ്യക്ഷന്മാരായ കളരിക്കൽ സുരേഷ് കുമാർ, അനിത രാജു, ഗംഗാദേവി ശ്രീരാഗം, പഞ്ചായത്ത് അംഗം ഫാത്തിമ നസീറ, അമരമ്പലം കൃഷി ഓഫിസർ വി.എം. സമീർ, അസി. കൃഷി ഓഫിസർ വി. മുനവ്വിർ, കൃഷി അസി. ടി. ജബീന, പി. സുഹൈബ, സംസ്ഥാന ഹോർട്ടികൾചറൽ മിഷൻ ഉദ്യോഗസ്ഥ കെ. വിനീഷ എന്നിവർ സംസാരിച്ചു.