ലഹരിക്കെതിരെ വിദ്യാർഥികളുടെ ബോധവത്കരണ റാലി

മഞ്ചേരി: ലഹരിവിരുദ്ധ ദിനത്തില്‍ മഞ്ചേരി ബോയ്സ് ഹയര്‍ സെക്കന്‍ഡറി സ്‌കൂള്‍ മഞ്ചേരി മെഡിക്കല്‍ കോളജുമായി സഹക രിച്ച് ബോധവത്കരണ റാലി, സെമിനാർ എന്നിവ സംഘടിപ്പിച്ചു. റാലി നഗരസഭ ആരോഗ്യ സ്ഥിരംസമിതി അധ്യക്ഷ അഡ്വ. ബീന ജോസഫ് ഫ്ലാഗ്ഓഫ് ചെയ്തു. ടൗണ്‍ഹാളില്‍ നടന്ന ബോധവത്കരണ സെമിനാര്‍ സി.ഐ അലവി ഉദ്ഘാടനം ചെയ്തു. മെഡിക്കല്‍ കോളജിലെ മനോരോഗ വിദഗ്ധന്‍ ഡോ. അബ്ദുല്‍ റസാഖ് സെമിനാര്‍ അവതരിപ്പിച്ചു. വിദ്യാര്‍ഥികളുടെ സംശയങ്ങള്‍ക്ക് സി.ഐ അലവിയും ഡോ. അബ്ദുല്‍ റസാഖും മറുപടി നൽകി. പ്രധാനാധ്യാപകന്‍ പ്രേമദാസന്‍ അധ്യക്ഷത വഹിച്ചു. ചൈല്‍ഡ് പ്രൊട്ടക്ഷന്‍ ഓഫിസര്‍ ഗീതാഞ്ജലി, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ബിശ്വജിത്ത്, അധ്യാപകനായ കൃഷ്ണകുമാര്‍ എന്നിവര്‍ സംസാരിച്ചു.