അങ്ങാടിപ്പുറം മേൽപാലത്തിൽ വീണ്ടും അപകടം

പെരിന്തൽമണ്ണ: ചരക്കുലോറി നിയന്ത്രണം തെറ്റി അങ്ങാടിപ്പുറം മേൽപാലത്തിൻെറ കൈവരിയിൽ ഇടിച്ച് നിന്നു. ബുധനാഴ്ച പു ലർച്ചയോടെ കോഴിക്കോട് ഭാഗത്തുനിന്ന് ചരക്കുമായി പോവുകയായിരുന്ന ലോറിയാണ് അപകടത്തിൽ പെട്ടത്. ജൂൺ 19ന് പുലർച്ച സമാനരീതിയിൽ ലോറി അപകടത്തിൽ പെട്ടിരുന്നു. ദേശീയപാതയിൽ പാലം തുടങ്ങുന്നതിന് മുമ്പ് വാഹനങ്ങൾക്ക് തിരിച്ചറിയാവുന്ന വിധത്തിൽ സൂചന ബോർഡുകളില്ലാത്തതാണ് അപകടത്തിന് കാരണമാവുന്നത്. ഒാരോതവണ അപകടം നടക്കുമ്പോഴും മേൽപാലം വഴിയുള്ള ഗതാഗതം മണിക്കൂറുകളോളം നിലക്കുന്ന സ്ഥിതിയുണ്ട്. പടം.. അങ്ങാടിപ്പുറം മേൽപാലത്തിൽ ചരക്കുലോറി കൈവരിയിൽ ഇടിച്ചുണ്ടായ അപകടം