ആലിപ്പറമ്പിൽ കളിസ്ഥലത്തിന് 15 ലക്ഷം

ആലിപ്പറമ്പ്: ഗ്രാമപഞ്ചായത്തിലെ എടായ്ക്കൽ പ്രദേശത്ത് കളിസ്ഥലം നിർമിക്കാൻ 15 ലക്ഷം രൂപ അനുവദിച്ചു. മഞ്ഞളാംകുഴി അലി എം.എൽ.എയുടെ ആസ്തി വികസനഫണ്ടിൽനിന്നാണ് തുക അനുവദിച്ചത്. പഞ്ചായത്തിലെ ആറ്, ഏഴ്, 14, 15 വാർഡുകളിലെ യുവജനങ്ങളുടെയും വിദ്യാർഥികളുടേയും ആവശ്യം പരിഗണിച്ചാണ് ഫണ്ട് അനുവദിച്ചത്. എടായ്ക്കൽ ലക്കി സ്റ്റാർ ക്ലബ് ഇതുമായി ബന്ധപ്പെട്ട് ഒപ്പുശേഖരണം നടത്തി എം.എൽ.എക്ക് നിവേദനം സമർപ്പിച്ചിരുന്നു. സാങ്കേതികാനുമതി ലഭ്യമാക്കി ടെൻഡർ നടപടി പൂർത്തീകരിച്ച് പ്രവൃത്തി ആരംഭിക്കാൻ എൽ.എസ്.ജി.ഡി എൻജിനീയറിങ് ഉദ്യോഗസ്ഥർക്ക് നിർദേശം നൽകി.