റോഡ് പ്രവൃത്തി തീരുന്നില്ല; വഴിയടഞ്ഞ് ചാമക്കുന്ന് കോളനി

കരുവാരകുണ്ട്: റോഡ് കോൺക്രീറ്റും ഓവുപാലം പണിയും അനന്തമായി നീണ്ടതോടെ പനഞ്ചോല ചാമക്കുന്ന് പട്ടികജാതി കോളനി ആഴ് ചകളായി വഴിയടഞ്ഞ നിലയിൽ. നവീകരണത്തിനായി ഒരുമാസം മുമ്പാണ് റോഡ് പൊളിച്ചത്. ഓവുപാലം പണിയാൻ റോഡിൽ കിടങ്ങുമെടുത്തു. ഇതോടെ കാൽനട പോലും മുടങ്ങി. പ്രവൃത്തി അനിശ്ചിതത്വത്തിലായപ്പോൾ കോളനിക്കാർ ശ്രമദാനമായി മറ്റൊരു റോഡ് ഗതാഗതയോഗ്യമാക്കി. വൈകാതെ ഈ റോഡിലും കോൺക്രീറ്റിനുള്ള ക്വാറി വേസ്റ്റിറക്കി. ഈ ഭാഗത്തെ നൂറിലധികം കുടുംബങ്ങൾ പ്രധാന റോഡിലെത്താൻ വിഷമിക്കുകയാണ്. കോൺക്രീറ്റ് പ്രവൃത്തി കഴിഞ്ഞാൽ പോലും ഓവുപാലം പണി എന്ന് തീരുമെന്നറിയില്ല. Photo ചാമക്കുന്ന് റോഡിലെ ഓവുപാലം പ്രവൃത്തി