ഗതാഗതക്കുരുക്കിന്​ പരിഹാരമാകാൻ

നഗരത്തിൽ പുതിയ ബൈപാസ് കോട്ടപ്പടിയിൽനിന്ന് പണിക്കച്ചിറ റോഡ് വഴി കിഴക്കേത്തലയിലേക്കാണ് നിർമിക്കുന്നത് മലപ ്പുറം: മലപ്പുറം നഗരത്തിൽ പുതിയ ബൈപാസ് നിർമിക്കുന്നു. കോട്ടപ്പടിയിൽനിന്ന് പണിക്കച്ചിറ റോഡ് വഴി കിഴക്കേത്തലയിലേക്കാണ് നിർമിക്കുന്നത്. പി. ഉബൈദുല്ല എം.എൽ.എയുടെ ആസ്തി വികസന ഫണ്ടിൽനിന്ന് 58 ലക്ഷം അനുവദിച്ചു. കിഴക്കേത്തല ചെത്തുപാലം വളവിന് സമീപത്താണ് റോഡ് എത്തിച്ചേരുക. വലിയതോടിന് പണിക്കച്ചിറയിൽ പാലം നിർമിക്കും. മാർച്ചിന് മുമ്പ് പണി തുടങ്ങാനാണ് തീരുമാനം. റോഡി​െൻറ എസ്റ്റിമേറ്റ് നടപടി പുരോഗമിക്കുകയാണ്. നിലവിലുള്ള പണിക്കച്ചിറ റോഡ് വീതികൂട്ടും. പ്രധാനമായും പാലത്തിനാണ് ഫണ്ട് ചെലവാകുക. തെരഞ്ഞെടുപ്പ് പ്രഖ്യാപനം വരുന്നതിന് മുമ്പ് നടപടികൾ പൂർത്തിയാക്കാനാണ് തീരുമാനം.