കുമരനെല്ലൂരിൽ വീണ്ടും സംഘർഷം

ആനക്കര: കപ്പൂർ പഞ്ചായത്തിലെ കുമരനെല്ലൂരിൽ ചൊവ്വാഴ്ച വൈകീട്ട് ഏഴോടെ സംഘർഷം. രാത്രിയോടെ സ്ഥലത്തെത്തിയ തൃത്താല പൊലീസ് വടികളും മറ്റും കണ്ടെടുത്തു. കഴിഞ്ഞദിവസം കുമരനെല്ലൂർ സ്കൂൾ കായികോത്സവുമായി ബന്ധപ്പെട്ടുണ്ടായ സംഘർഷമാണ് പുറത്തേക്ക് എത്തിയതെന്ന് പറയുന്നു. തിങ്കളാഴ്ച നാലംഗസംഘം കുമരനെല്ലൂരിൽ ചിലരെ ആക്രമിച്ച് പരിക്കേൽപ്പിച്ചിരുന്നു. അതി​െൻറ തുടർച്ചയാണ് ചൊവ്വാഴ്ചത്തേതും. പഞ്ചായത്ത് വക സ്ഥലത്ത് കെട്ടിയുണ്ടാക്കിയ താൽക്കാലിക ഷെഡിൽനിന്നും പൊലീസ് വടികളും സ്കൂൾ വിദ്യാർഥികളുടെ ഭാഗും കണ്ടെടുത്തു. തുടർന്ന് പ്രദേശത്തെ പലഭാഗത്തും ഇത്തരത്തിൽ ശേഖരണമുണ്ടന്ന പരാതിയിൽ പരിശോധന നടത്തിയിരുന്നു. തിങ്കളാഴ്ചത്തെ സംഘർഷത്തിൽ പരിക്കേറ്റവർ ചികിത്സയിലാണ്.