കുടുംബസംഗമവും ദുരിതാശ്വാസ പ്രവർത്തകരെ ആദരിക്കലും

തിരൂരങ്ങാടി: കൊടിഞ്ഞി ടൗൺ വെൽഫെയർ പാർട്ടി കമ്മിറ്റിയുടെ ആഭിമുഖ്യത്തിൽ കുടുംബസംഗമവും പ്രളക്കെടുതിയിൽപെട്ടവരെ രക്ഷിക്കുന്നതിനും മറ്റു പ്രവർത്തനം നടത്തിയവരെയും കാലിക്കറ്റ് യൂനിവേഴ്‌സിറ്റി ബി.എ മാസ്‌ കമ്യൂണിക്കേഷൻസിൽ മൂന്നാം റാങ്ക് നേടിയ എലിമ്പാട്ടിൽ ബഷീറയെയും ആദരിച്ചു. സംസ്ഥാന സെക്രട്ടറി കൃഷ്ണൻ കുനിയിൽ ഉദ്ഘാടനം ചെയ്തു. പാർട്ടി നന്നമ്പ്ര പഞ്ചായത്ത് പ്രസിഡൻറ് പി. അബ്ദുൽ ഖാദർ ഹാജി അധ്യക്ഷത വഹിച്ചു. വാർഡ് മെംബർ വി.കെ. ഷമീന, സുലൈമാൻ കൊടക്കാട്, പി. ഫഹദ്, പി.പി. മൻസൂർ, വി.കെ. മുജീബ് എന്നിവർ സംസാരിച്ചു. ഹംസ പാലക്കാട് സ്വാഗതവും പി. സാബിർ നന്ദിയും പറഞ്ഞു.