ബിഹാറിൽ ആൾക്കൂട്ടക്കൊല

സീതാമർഹി: പണം തട്ടിപ്പറിച്ചെന്ന് ആരോപിച്ച് ബിഹാറിൽ ആൾക്കൂട്ടത്തി​െൻറ മർദനമേറ്റ യുവാവ് മരിച്ചു. സീതാമർഹി ജില്ലയിലെ റാംനഗര ഗ്രാമത്തിലാണ് സംഭവം. ത​െൻറ പണം തട്ടിപ്പറിച്ച് ഒാടിയെന്ന ഒരു വാൻ ഡ്രൈവറുടെ ആരോപണത്തെ തുടർന്ന് രൂപേഷ് ജാ എന്ന 24കാരനെ ഒാടിക്കൂടിയ ജനം മർദിക്കുകയായിരുന്നു. ഗുരുതര പരിക്കേറ്റ രൂപേഷിനെ പട്ന മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. ത​െൻറ പണം കൈക്കലാക്കി ബൈക്കിൽ രക്ഷപ്പെടാൻ ശ്രമിച്ചുവെന്ന് വാൻ ഡ്രൈവർ മൊഴി നൽകിയെന്നും കൂടുതൽ അന്വേഷണം നടക്കുകയാണെന്നും പൊലീസ് പറഞ്ഞു. അതേസമയം, വാനിനെ മറികടക്കാൻ ശ്രമിച്ചപ്പോൾ രൂപേഷ് ഡ്രൈവറുമായി തർക്കമുണ്ടായെന്നും ഇതേതുടർന്നാണ് മർദനമുണ്ടായതെന്നും ബന്ധുക്കൾ ആരോപിച്ചു.