ഇന്ധന വില വർധനവ്: ഡി.വൈ.എഫ്.ഐ പ്രതിഷേധിച്ചു

കാളികാവ്: ഇന്ധന വില വർധനവിനെതിരെ ഡി.വൈ.എഫ്.ഐ കാളികാവ് മേഖല കമ്മിറ്റി പ്രകടനം നടത്തി. ജീപ്പ് കെട്ടി വലിച്ചാണ് പ്രകടനം നടത്തിയത്. മേഖല തലങ്ങളിൽ നടക്കുന്ന സമര ഭാഗമായാണ് കാളികാവിൽ പ്രകടനം നടത്തിയത്. പി. റിയാസ് ബാബു, സി.ടി. സക്കരിയ്യ, അബ്ദുൽ സലാം ചാലക്കുടി, ടി. മിസ്ഫർ, അഫ്സൽ മാനീരി, പി.കെ. ജുനൈസ് എന്നിവർ നേതൃത്വം നൽകി. ചോക്കാട് മേഖല കമ്മിറ്റിയുടെ നേതൃത്വത്തിൽ നടന്ന പ്രതിഷേധത്തിന് ഡി.വൈ.എഫ്.ഐ നിലമ്പൂർ ബ്ലോക്ക് സെക്രട്ടറി കെ.എസ്. അൻവർ, മേഖല സെക്രട്ടറി പി. അഭിലാഷ്, പ്രസിഡൻറ് എം.കെ. നിസാമുദ്ദീൻ എന്നിവർ നേതൃത്വം നൽകി.