ഗ്രാമപഞ്ചായത്ത് ഒാഫിസിലേക്ക് സി.പി.എം മാർച്ച്

പാണ്ടിക്കാട്‌: സി.പി.എം ലോക്കൽ കമ്മിറ്റിയുടെ നേതൃത്വത്തിൽ‌ പാണ്ടിക്കാട്‌ പഞ്ചായത്ത് ഒാഫിസിലേക്ക്‌ മാർച്ച്‌ നടത്തി. അർഹതപ്പെട്ടവരുടെ തടഞ്ഞുവെച്ച ക്ഷേമ പെൻഷൻ വിതരണം ചെയ്യാൻ നടപടി സ്വീകരിക്കുക, പഞ്ചായത്ത് ഭരണസമിതിയുടെ അനാസ്ഥ അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ച്‌ നടത്തിയത്‌. ജില്ല കമ്മിറ്റി അംഗം പി. രാധാകൃഷ്ണൻ ഉദ്ഘാടനം ചെയതു. എൻ.ടി. ഹരിദാസൻ അധ്യക്ഷത വഹിച്ചു. ലോക്കൽ കമ്മിറ്റി സെക്രട്ടറി ശങ്കരൻ കൊരമ്പയിൽ, എൻ.ടി. സുരേന്ദ്രൻ, എം.എം. മുൻഷാദ്, ബാബു റഹ്മാൻ, ബാലൻ എന്നിവർ സംസാരിച്ചു.