നിലമ്പൂരിൽ പരിശോധന തുടരുന്നു; കഞ്ചാവുമായി ഒരാൾകൂടി പിടിയിൽ

നിലമ്പൂർ: എക്സൈസ് സംഘത്തി‍​െൻറ നേതൃത്വത്തിൽ നിലമ്പൂരിൽ കഞ്ചാവ് വേട്ട തുടരുന്നു. 15 കിലോ കഞ്ചാവുമായി നാലുപേരെ വ‍്യാഴാഴ്ച അറസ്റ്റ് ചെയ്തതിനു ശേഷം നിലമ്പൂർ റേഞ്ച് എക്സൈസ് സംഘം തുടർകണ്ണികൾക്കായി നടത്തിയ അന്വേഷണത്തിൽ ഒരാൾ കൂടി പിടിയിലായി. രണ്ടേക്കാൽ കിലോ കഞ്ചാവുമായി പെരിന്തൽമണ്ണ താഴേക്കോട് പൂവ്വത്താണി സ്വദേശി കുരുമുണ്ടക്കുന്ന് വീട്ടിൽ സുരേഷാണ് (27) അറസ്റ്റിലായത്. നിലമ്പൂർ റേഞ്ച് ഇൻസ്പെക്ടർ കെ.ടി. സജിമോ‍​െൻറ നേതൃത്വത്തിലായിരുന്നു അറസ്റ്റ്. നിലമ്പൂർ കെ.എസ്.ആർ.ടി.സി ഡിപ്പോ പരിസരത്ത് നിന്നാണ് ഇയാൾ വെള്ളിയാഴ്ച അറസ്റ്റിലായത്. ഇയാളിൽനിന്ന് ലഭിച്ച വിവരത്തി‍​െൻറ അടിസ്ഥാനത്തിൽ ഇനിയും കൂടുതൽ അറസ്റ്റുകൾ ഉണ്ടാവുമെന്നാണ് സൂചന. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. അന്വേഷണ സംഘത്തിൽ പ്രിവൻറിവ് ഓഫിസർ റെജി തോമസ്, മുസ്തഫ ചോലയിൽ, സിവിൽ എക്സൈസ് ഓഫിസർമാരായ ജി. അഭിലാഷ്, എൻ.കെ. നസീറ എന്നിവരുമുണ്ടായിരുന്നു.