സ്മാർട്ട്‌ ക്ലാസ് റൂം ഉദ്ഘാടനം

മേലാറ്റൂർ: എസ്.കെ.എസ്.എസ്.എഫ് എടയാറ്റൂർ യൂനിറ്റ് കമ്മിറ്റി ഹിദായത്തുൽ ഇസ്ലാം മദ്റസയിലേക്ക് സമർപ്പിച്ച സ്മാർട്ട് ക്ലാസ് റൂം ജില്ല പ്രസിഡൻറ് പാണക്കാട് ഹാശിറലി ശിഹാബ് തങ്ങൾ ഉദ്ഘാടനം ചെയ്തു. മഹല്ല് ഖതീബ് മുഹമ്മദ്‌ അൻവരി അധ്യക്ഷത വഹിച്ചു. എസ്.ബി.വിയുടെ സിൽവർ ജൂബിലി ആഘോഷ ഈസ്റ്റ് ജില്ല കമ്മിറ്റി ജില്ലയിൽ പ്രഖ്യാപിച്ച 25 സ്മാർട്ട് ക്ലാസ് റൂമുകൾ പദ്ധതിയുടെ ഭാഗമായാണിത്. എടയാറ്റൂർ യൂനിറ്റ് എസ്.കെ.എസ്.എസ്.എഫ് കമ്മിറ്റിയാണ് സ്മാർട്ട് ക്ലാസ് റൂം സമർപ്പിച്ചത്. വി.എം. റഷീദ്, പി. ഹിഷാം വാഫി, സി.ടി. സൈനുദ്ദീൻ, പി. സുഹൈൽ ഫൈസി, സലാം വളരാടൻ, എം.കെ. ശരീഫ്, മഹല്ല് മദ്‌റസ ഭാരവാഹികളായ പി. ഹംസ, എ.ടി. അബ്ദുല്ല, വി. ത്വയ്യിബ്, ഒ.വി. ഉസ്മാൻ, സി.ടി. അബ്ദുല്ല കുട്ടി ഫൈസി എന്നിവർ സംസാരിച്ചു. യുവജന സംഗമം മേഖല പ്രസിഡൻറ് എസ്.എം.എ തങ്ങൾ പച്ചീരി ഉദ്ഘാടനം ചെയ്തു. മഹല്ല് പ്രസിഡൻറ് ചാലിൽ അബു ഹാജി അധ്യക്ഷത വഹിച്ചു. സാലിം ഫൈസി കൊളത്തൂർ മുഖ്യ പ്രഭാഷണം നിർവഹിച്ചു. പി. യഹ്‌യ ഫൈസി, ഷബീർ വാഫി എന്നിവർ സംസാരിച്ചു.