കാലിക്കറ്റിൽ എസ്.എഫ്.ഐ മാർച്ചിൽ സംഘർഷവും ലാത്തിവീശലും

തേഞ്ഞിപ്പലം: കാലിക്കറ്റ് സര്‍വകലാശാലയിലേക്ക് മാർച്ചുമായെത്തിയ എസ്.എഫ്.ഐ പ്രവർത്തർക്ക് നേരെ പൊലീസ് ലാത്തിവീശി. പൊളിറ്റിക്കല്‍ സയന്‍സ് പഠനവിഭാഗത്തില്‍ അധ്യാപകരെ നിയമിക്കണമെന്നാവശ്യപ്പെട്ടാണ് സിൻഡിക്കേറ്റ് യോഗം നടക്കുന്ന ഭരണകാര്യാലയത്തിലേക്ക് മാർച്ച് നടത്തിയത്. തിരൂരങ്ങാടി സി.ഐ ദേവദാസ്, തേഞ്ഞിപ്പലം എസ്.ഐ ബിനു തോമസ് എന്നിവരുടെ നേതൃത്വത്തിൽ പൊലീസ് സ്‌ഥലത്തുണ്ടായിരുന്നു. പ്രവർത്തകർ വലയം ഭേദിച്ച് തള്ളിക്കയറാൻ ശ്രമിച്ചതോടെ പൊലീസ് ലാത്തിവീശുകയായിരുന്നു. സ്ഥിരം അധ്യാപകരില്ലാത്തതിനാല്‍ പഠനഗവേഷണ പ്രവര്‍ത്തനങ്ങള്‍ പ്രതിസന്ധിയിലായതിനാൽ അടിയന്തര പരിഹാരം വേണമെന്നാവശ്യപ്പെട്ട് കഴിഞ്ഞദിവസം എസ്.എഫ്.ഐ പ്രവർത്തകർ വൈസ് ചാൻസലറെ ഉപരോധിച്ചിരുന്നു. മാർച്ച് യൂനിവേഴ്‌സിറ്റി ചെയർപേഴ്‌സൻ സുജ ഉദ്ഘാടനം ചെയ്‌തു. ജോഷാന്ത് അധ്യക്ഷത വഹിച്ചു. എൻ. രാഹുൽ, ഭവേഷ് എന്നിവർ സംസാരിച്ചു.